CNF/A le CDF pawl zong thazang pek a hau. CRPH le NUG zong thazang kan pek ding hrim a si.

CRPH nih NUG cozah an vun dirh hnu in NUG vuanci (minister le deputy minister) pawl he biaruahnak ah ka tel ve tawn.

  1. Dr. Lian Hmung Sakhong (Federal Union Affairs Minister)
  2. U Yee Mon (Defense Minister)
  3. Dr. Win Myat Aye (Humanitarian Affairs and Disaster Minister)
  4. Dr. Sa Sa (International Cooperation Minister)
  5. U Aung Myo Min (Human Right Minister)
  6. Naw Susanna Hla Hla Soe (Minister of Woman, Youth and Children Affairs)
  7. U Moe Zaw Oo (Deputy Minister of Foreign Affairs)
  8. Naw Htoo Phaw (Deputy Minister of Humanitarian Affairs and Disaster)
  9. Ba Ham Than (Deputy Minister of Human Right Minister)
  10. U Linn Thant (Liaison Officer of NUG in Czech Republic)

Hi a cunglei NUG cozah lutlai pawl he biaruahnak pawl ah kaa tel ve i, an bia chimmi tete ka ngaih tikah Tlangcung miphun hna nih kum saupi kan rak hal tawnmi Federal ramkomh sernak caah caanttha bik a si tiah ka ruah.

Cucaah cun tutan Spring Revolution hi biatak tein thazang kan pek ding a si. CNF/A le CDF pawl zong thazang pek a hau. CRPH le NUG zong thazang kan pek ding hrim a si. Ralhrang pa Min Aung Hlaing kan tei khawh ahcun CRPH le NUG nihhin Tlangcung mi nih tihal in kan halmi Federal ramkomh an kan ser piak khawh hrim lai.

Tlangcungmi nih tubantuk caanttha hi kan ngei kho lem ti lai lo. Caanttha kan ngeih lio te ah biatak tein thazang kan chuah a hau. Mi cheukhat nih CRPH le NUG cu NLD minung an si, Kawl thluk in an kan nawnnok ko lai tibantuk an chimmi ka hmuh pah. Nain an biachimmi pawl ka ngaih tikah cu bantuk in ka hmu hna lo.

Tutan dothlennak hi kan tei ahcun Federal ramkomh sernak caah NUG in hruaitu zong kanmah Chinmi (Tlangcungmi) chungin Dr. Lian H Sakhong a si chinchap tikah tlangcungmi nih kan duhmi, a dikmi federal ram an kan ser piak khawh hrim lai. Kanmah le kan ti khawhnak lam cio in thazang chuah cio ko hna u sih.Salai Biak Tum Lian

Be the first to comment

Leave a Reply

Your email address will not be published.


*