CNF/A Kan Chairman Pu Zing Cung Le Kan First Lady He.

US regional Committee le CC Secretary ah a tuanbal ti hrat cu kan tuan ti lo zongah miphun kong ahcun thazaang ka pek peng ve hna. Nihnih chung meeting ka kai pi hna. A lengah chuahpi awk a tha lomi Kawlram kong secret information le cawlcanghnak an kan chimh.Tutan conference cu Mipi a chuakmi kan tam. Voidangnak in kai lunghmuih deuh.

Kan Pu Zing Cung sinah bia pahnih ka hal.
1. Kawl ralkap miluzat le tlangcungmi kan ralkap miluzat kan theihfiannak hnga le zeiruang ahdah Kawl ralkap nih a pikpak in an kan kah lio ah i bawm cio in kah awk a tha ve lo maw?
Ans- Kawl Ralkap miluzat hi tingnga hrawng an si i Tlangcungmi ralkap vialte hi tingkhat le sawmthum hrawng kan si a ti. Ral doh timi cu thinlung in i doh asi. Rian ca men in a tuanminak in miphun dawtnak thitsa he a tuanmi Ralkap cu an ral tha deuh. I bom cio in dohding ti mi kong ahcun lungrual timi hi a rak har ngai a ti.
Rev. Dr. Thlaawr Bawihrin nih fianternak a van tuah chapmi cu a donghnak bik research an tuahnak cazin ningcun Tingli hrawng lawng an si cang a ti.

2. Kawl ralbawi MAH nih CNF/A cu Ralkap zong an si lo tiah ralkap cazin ah an kan pom lo mi hi zeiah an kan rello a si ko lo maw?
Ans- Hi bia hi voithum hrawng a chim cang. Zei ah rello siloin lemnak men ah a hman mi a strategy asi ko a ti. Tlangcungmi lakah CNF kan Pale le cu Ramkhel leiah advance hmaikal an si tiah a peh chap.( Bia hi indirect in chimmi hi direct sentence in kan ngeih ahcun theihning le fianning ai palh tawn. Cucaah mah hihi indirect in strategy a hmanmi asi kho ko tiah ruahnak ka van ngei ve.

Mipi thanghphawh duh ko ahcun an Strategy an thlen ah a hau ve ko rua tiah ka ruah nain ka hal ti lo mi cu Raltuk pah hi an hau ko rua ti hi asi. CNF/A nih a hmanmi strategy cu sunghnak um loin duhmi lak khawh hi asi. Mipi harnak peklo kha asi. Nihin ah sunghnak le thihnak kum 30 kum 70 leng dohtlennak a tuahmi hna le mipi thihlohnak um lo tein a kalpimi CNF/A cu tlangcungmi dang he ramkel ah kan level ai khat. Sunghnak teloin kan duhmi tu hi ninikhat ah ngahding kha an kan timhpiak.

But, Nihin kan miphun lungput zohtikah dothlennak kongah kan kan Miphun kan thang kho hrim lo. Nain hi kong hi ka ruah ve lengmang tikah mipi hi riantuantu le upa hna zongnih mawhphurh thlu awk kan tha lo tiah ka  ruah. AA pawl hi nizan te ah ai thawk mi an si nain an thazaang thawng, an karh tluahmah ko. Tlamgcungmi dang hna zong an rak thawnnak le mipi thinlung latu an rak sinak cu ral dohnak an rak tuah caah asi ko. Kan miphun nih miphun caah kan i thangphawh khawh venak ding caahcun thinlinh venak ding caah raltuk cu a hau bakmi asi. An thihloh cu kan siang ve hna lo. Nain ralkap an si caah cucu  kan miphun thanghphawhnak ding caahcun strategy tha bik  a si ko.

Kan duhmi hmuhdingah  mipi harsatnak hrial dingin lam an kan thim piak ve ko ahcun miphun nih dothlennak leiah kan i thanghphawh khawh tuk ve lo hmanhah mawhchiat ding kan si tuk ve lo tiah ka ruah. Mipi caah a ruatmi kan ralkap hna hi an thazaang a der i ral an doh lem lo hmanhah mipi an kan dawt ti hi kan miphun nih theihpiak thiam ve kan hau. Cucaah khuahngal nihcun  lungdong lo tein CNF/A le CC cu thazaang pe lengmang ko hna uhsih.Credit-Al Bik Lian Zathang

Be the first to comment

Leave a Reply

Your email address will not be published.


*