CNF/ A Hruai Tu Kan Pa Le Hna Nih Khua An Khan Mi Hi Tha Te In Ruat Deuh Hna U Sih

Kan dir hmun le Sinak nih a tlinh zia ruat bak lo in nan holh hi tam tuk hlah seh. A ngaingai ah cun thazang aa lo lo mi dir awnh cu mah cawh nak asi. Thazang i vuak nak in tai tu si i timh caan asi lo: Policy in i tai caan asi. CNF/A kan pa le hna hi international level in kan zoh hna zawng ah hruaitu tling bak an si hna. Doctorate digree a ngei mi hna an si hi.

Kan nih Chin mi barawh zat lo,cu hmanh ah lung a rual kho rih lomi,mah le Cikawr le khawpi zoh in a kal mi zeitin dah kan i fun tawm lai i revelution kan tuah lai ti hi,thuk pi in khua a ruat kho mi asi zia hi i fiang hna usih. CNF nih kan miphun caah heh ti in tuanvo an lak cuah mah lio ah hin mi tam pi tlaih le khih Thongthlak,In lo rawh nak,nun nak tampi liam nak hei um selaw,a tu ralttha ngang phun i aa holh ter mi hna nih hin an lu hloh nan duh hna men lai. I sum deuh uh.

A ngaingai ah cun a luan cia buai nak ah khan Tiau kap le Tipi kap i um mi hna nih hin a har zia kan i fiang tuk dah kaw! Awl tawrawk tuk hin cu e kha e ti hlah u. Meithal hei puah taktak hna seh law hehchet a zaam hnga ding pei kan si ko hna hi.  CDM an  dirkam nak ah hin Methal puah lo te in ram ai thlen khawh ah cun a tha deuh lo maw? Rul ban tuk in a fim mi le Thuro ban tuk in nun a nem mi si zia thiam ding in bible nih a kan cawn piak mi hi hman zia thiam a ttha deuh.Credit-Venglawma Dawn

Be the first to comment

Leave a Reply

Your email address will not be published.


*