CNA riantuan nak nan hngalh huaha tung lo cun rak chim le hlah uh

Chin midia cheukhat cu mihrut le mah miaknak kawlmi lawng nan si.Ramdawtnak in riantuan mi nan si lo caah Ram na dawt lo ahcun nan media group ning in nan caah tih nung nan si sual lai ti

CNA riantuan nak nan hngalh huaha tung lo cun rak chim le hlah uh.CNA tu thinhun loin CDF lehlam thinhung in nan chiah sual hna lai an pahnih in chinralkap an si veve cucu rak philh hlah mu molh tuk hlah u mu.

Nan pawcawmnak caah media ca na tial a si ahcun Thawngpang hman taktak hi nan mah nan hngalh mi hi tial uh.Lih le hrokhrawl in pawcawm pawl hi Laimi le Laimi riantuannak a doh mi Dalan nan si Ralring deuh in ca tial ulaw Ti hi zaangfah kan in nawl ve hna..By-We love People Defense force in myanmar

Dalan (Leirawitu) Miraang@vunraang le Japan@phetsit ngapuh nih Myanmar ram an rak uk lio ah hin kawl miphun chungin tangka duh ruang le an sinin mithmai țha hmuh duh ruang menmen ah mah miphun cungah zaangfahnak ngei loin leirawitu an rak tam taktak. Miraang ralkap le Japan ralkap bochan in an rak um. An tangka hmuhnak zong a rak si. Tangka an phalh hna i mipi cawlcanghnak paoh an rak chimh dih hna. Mi a cheu khat cu holhlet kan țuan an ti i anmah le anmah kha a sang tukah an i ruat ciammam i miphun leirawitu le mah miphun hremtu le fahnak petu ah an rak cang. Atu chan holh cun dalan an rak tam taktak.

Miraang nih an rak kan uk lio ah hin kawl pawl nih tangka an hmuh nakding a si ahcun vunraang@miraang ralkap le Japan @phetsit ngapuh ralkap cu chim hlah India kala, chitți hmanh a biak in an rak biak i a fialmi hna paoh an rak tuah. Kawl pawl nih hin tangka duh ah India kala, chitți kha a inn an rak venpiak. Humhimnak țuanvo an rak lakpiak i an rak cawngh tawn. Sifak santlailo harsami hna kha tangka a rak cawih hna i an cham khawh lo ahcun an ngeihmi chungin a duhmi paoh a rak chuh hna. An fanule tiangin. Atu lio ralhrang ralkap pawl tuahsernak hi hlan lio chitți tuahsernak he an i khat bak.

Cu bantukin cun atu zongah hin ram buainak kha caan țha ah la riangmang in lai mi chung zongin tangka ka hmuhnak a si paoh ahcun tiah zaangfahnak ngei loin Kawl ralhrang ralkap le palik bochan in mah miphun cungah fahnak a pemi an tampi. Ralhrang ralkap tlaih țih ruangah siseh, kawl miphun uar tuk le i bochan tuk ruangah siseh, atu lio ram buainak hi caan țha ah la in tangka duh tuk ruangah siseh zaangfahnak ngei loin mah miphun cungah fahnak tlunter dingin leirawitu, dalan a țuanmi an tampi lai. Dalan an si ruangah an ton te dingmi an hngalh chung ko lai, nain miphun dang, kawl pa an i bochan ruangah le tangka ruangah a poi ah an chia lai lo. An ton taktak tik tu ah an i ngaichih te lai.

Cucaah cun dalan paoh zaangfahnak um loin tlaih hna ding. Dalan nan tlaih hna tikah felfai tein chekhlatnak le hlathlainak tuah ding an si. Nan tlaih hna hnuah dalan nan si tak maw si tak lo tiah anmah kha chimphuanternak le i silhnalhternak nan tuahter hrimhrim hna lai lo. Naite ah khan Halkha ah dalan (kawl hna nuva) an tlaih hna i anmah tu kha dalan an si le si lo chimphuannak le i silhnalhternak online chungah an tuahter hna. Dalan a si ko timi tehte nan ngeih lo a si ahcun an telefon kha chekpiak ko hna u.

Atu lio caan ah hin cun mipi nih nan duhning tein an bia nan ceih khawh hna. Dalan nih ralhrang ralkap le palik sin thawng an thanh tikah anmah pumpak fon hi an hman bikmi a si. Cucaah cun an fon chungah a ummi hmanthlak, video chiahnak Gallery kha zoh dih u law fon a chawnhnak call log, viber, messenger pawl kha chekpiak dih hna u. An Facebook zong zohpiak dih ding an si.

Nan chek tikah an fon chungah mipi cawlcanghnak, duhlonak a langhtertu hna hmanthlak le video siseh, an min le an umnak pawl le a dangdang hei ti pawl kha palik le ralkap sinah a kuatnak tehte nan hmuh ahcun amah cu dalan a si bak tiah nan ti khawh. Dalan nih fon a chawnh le ca, message a kuat tikah zapi nih hngalh khawh lo dingin thlithup bifang, biahleng an hmannak tete nan hmuh ahcun dalan a si. Cun a dangdang cafang pawl nan hmuh ahcun ralkap le palik he ai pehtlaimi a si. Amah hi dalan a si ti kha hngalh colh ding.

Dalan Dan peknak (Sual ngan deuh) Thihdan
Danlan dan pek tikah duhlonak a langhtertu hna le mibu cawlcanghnak i rian a țuantu hna kha palik le ralkap nih an tlaih tik hna ah a bawmh hna. Amah nih a zulh hna i an umnak a chimh hna. Mipi kilvengtu ralkap (CDF)/ PDF nih an hmanmi meithal an chiahnak hmun kha ralhrang ralkap sinah a chimh hna timi tehte țha tein a um ahcun sual man thihdan pek ding a si. Dalan kha hri in thlai i thah dingah a sual man thihdan pek ding a si.

Dalan Dan peknak (Sual hme deuh)Dalan kha ralkap le palik he ai pehtlaimi a si ko, nain duhlonak a langhtertu hna le mibu cawlcanghnak rian a țuanmi hna cungah fakpi in fahnak tlung ding tiangin a tuah rih lo ahcun a sualnak a hme ko, a sualnak a ngan lo tiah ruahpiak khawh a si. Dalan nih mipi cungah sualnak ngan a tuah lo ahcun a umnak khua, sang chungin țhawl dawi ding le a inn hrawkpiak dih ding le a herh ahcun umkal kho lo dingin hrenphihnak tuahpiak ding a si.

Fawi Tein Dalan Tlaih Khawhnak.Dalan pawl hi a bu, group in a cawlcang khomi an si ve hna. Cucaah cun dalan pakhat nan tlaih khawh ahcun a dang dalan pawl zong fawi tein nan kawl khawh hna i nan tlaih khawh cang hna. Dalan nan tlaihmi fon chungah khan a bu in an cawlcanghnak le pakhat le pakhat pehtlaihnak an tuahnak tete a um maw um lo ti kha țha tein chek u law zohpiak hna u.

Facebook in siseh, Viber in siseh, Messenger in siseh, a dangdang cakuatnak in anmah dalan pawl ca an i kuatnak le ralhrang ralkap le palik sinah ca an kuatnak nan hmuh a si ahcun a hawile dalan pawl le anmah he pehtlaihnak a tuahmi ralkap le palik an fon number le an hmanthlak kha mi zapi nih an hmuh i an theih cio nakhnga group ser u law group chungah thlah u.

Cu ti nan tuah a si ahcun khua kip le sang kip le hmun kip ah a ummi nih an rak hmuh cio lai i khua dang le sang dang ah a ummi dalan pawl zong kha mipi nih fawi tein nan tlaih khawh hna lai i dantatnak nan pek khawh ko hna lai.

Dinnak kha a cat lomi tiva bantukin luanter camcin ko u (Amos 5:24). By-Salai K. Biak Lian Thawng

Be the first to comment

Leave a Reply

Your email address will not be published.


*