CNA kan bawmh duh hna lo a si ahcun dai tein um ko hna usih.

CNA cu bawmh ding an si ti lo. Mi sawhsawh nih ttialmi hi cu ruahpiak thiam a si, nain lungfim le khuaruat kho deuh nih CNA cu bawmh ding an si ti lo. KIA le KNU tu khi bawmh ding an si. tiphun in caa kan ttial hi cu a poi deuh ngai.

KIA le KNU tu bawmh ding an si kan timi khi bawmh kan timh taktak hna ruang ah si loin serlei in le bianeng in kan chimmi a si i, hi bantuk serlei le bianeng hi atu lio caan ahcun kan ram le miphun nih a herh lo bikmi an si. CNA kan bawmh duh hna lo a si ahcun dai tein um ko hna usih. Bawmh duh lo cu minung phung a si ko, nain kan bawmh duh hna lonak kong kha arpi bang khuapi theih in daak len i bawmh a duhmi hna thachiatnak le bawmtu minung an zornak ding in cattial len hi kan i ralrin awk a herh.

Atu lio caan, kan hmai ah donak nganpi a chuak khomi dirhmun ah hin hriamnam aa putmi kan ralkap hna hi dirpi, ttanpi le ngeihchiah in thazaang pek an herh lio a si. Mipi kan i lungrual taktak zong a herh lio a si. Pakhat le pakhat i doh le i soi caan a si lo i huatnak bia le rem lonak bia in i ti caan zong a si lo. Nih hi a ttha tuk nain ruak humh lio caan ah nih len phung a si lo. A caan hi zohthiam a herh.

KIA le KNU bawmh kan duh taktak ko hna a si le bawm fawn ko hna usih. Bawmhnak cu pumpak nawl a si. Asinain kan philh lo dingmi cu ram chung raldonak (civil war) chuak sehlaw KIA le KNU nih an ram chuahtak in kan ram an kan venpiak bal lai lo i kan ral an kan dohpiak bal fawn lai lo. Kan miphun le ram caah Kawl ralkap meithal kuan le bomb lakah nunnak pe in a va lut dingmi le ral salu aa tlaih dingmi cu kan CNA thotho hi an si ko lai.Credit-Roro Fambawl

Kan ram kongah lung rethei le ngaihchia in kan um lio asi nain Pathian thawngin Nihin cu Rev. Carson le Laura philh lo nak caah tuahmi conference ah Laitlang i Mission rian an tuan nak kong chim dingin Rev. Dr. Robin Stoops (Executive Minister of Nebraska Region) nih a ka sawm ve i minute 20 tluk bia chimnak ka ngei ve.

Conference cu Rev. Carson Kawlram a rat hnu ah a voikhatnak USA i caan karlak a kir lio 1894 ah Pastor a tuannak Khrihfa bu Gibbon Baptist Church ah asi. An nu pa tein Nebraska Baptist Seminary ah bible siangin an rak dih hnu ah khua an rak sa colh i kawlram ah missionary in an rak kal colh.

Hman kai thlaknak Pulpit hi kan siangbawi Rev. Carson nih pastor a rak tuah lio i thawngtha chimnak ah a rak hman mi pulpit asi.

Bawipa kailawm tuk hringhran Siangbawi pa a rak dirnak Pulpit theng te ah na dawtnak kong chim dingin minute 20 tluk na ka dir ter ve caah kailawm, na Minthiang kan thangthat tuk!Credit-Vai Bawi Kam Zaitu

Be the first to comment

Leave a Reply

Your email address will not be published.


*