CNA/F le Kawl Ralkap daihnak. Hi konghe pehtlaih in chim ahar ngai

CNF/CNA , Chin mipi le Kawl Ralkap
U le nau nan dam cio lai tiah zumhnak le ruahchannak ka ngei.Keimah ka min cu Sawmhal Lian asi i, US in asi. Hi kong he pehtlaih in tial/chim ka duh ve mi cu atanglei bantuk hin asi.

  1. CNA/F le Kawl Ralkap daihnak. Hi konghe pehtlaih in chim ahar ngai. Aruang cu mipi an ven caah maw? An mah an i ven caah dah asi? Atu lio kan ram sining zoh tikah ramdang a um mi Chin mi hna nih ramchung a um mi caah lung retheih ngai in kan um, bawmhnak zong mah le ti khawh tawk tein bawmh asi. Kan duh mi cu ramchungah Democracy sisehlaw mipi zalawnnak um seh, cun kan ram zong thangcho seh tiah kan duh mi asi. Sihmanhsehlaw hi bantuk in atu lio ah Kawl Ralkap he remnak tuah timi cu khuaruahar lo awk atha lo. Atu lio caanah Kawl Ralkap nih zeidah a tinh mi asi? Kan thei cio lai. Cun Kan Lai Ralkap nih a hna ‘atlakpi tinak asi cu’ ka palh sual hnga maw?
  2. BawmnakKan Lai Ralkap hna hi ram chungah buainak a um caah an rak um i, rak bawmh ton an si. Atu cu Kawl Ralkap he daihnak an tuah ko ah cun mipi bawmnak an her ti hnga maw? Ka lom! Upatnak he, By- Sawmhal Lian

Adang relthan:Thantlang Peng ah Sang khuabawi le Khuate Khuabawi hna an riantuan caan a dih cang. A thar in a tuan cang mi nih pehzulh an duh ah cun pehzulh nak nawl a um. Peh zulh in tuan rih an duh lo a si ahcun anmah ai ah midang khua bawi tuan ding an kawl lai. Ralkap uknak chung ah cun khuabawi zong pehzulh in tuan i tim hlah usih. Khuabawi tuan ding in fial na ton zong ah mizapi lei tang in nan kan el piak naklai kan in nawl hna. Khua bawi hi ralkap riantuan cawlcanghnak ah an hman ngai te ding mi a si. Lai mi chung in ahohmanh nih ralkap riankhinh mi cohlang hna hlah usih.

Cun Thantlang GAD zung in riantuan tu cheukhat CDM an tuah caah an rian in ngol ter thai an si. An mah ai ah rian an auh te lai. Hi tik ah lai mi chung in a hohmanh nih sok hna hlah usih. Zung dang dang in CDM a tuah mi hna rian in chuah thai i an mah ai ah midang rain auh khawh a si. Khi tik ah ahohmanh nih sok hna hlah usih. Mizapi a that cuahmah mi ralhrang ralkap uknak a hram in thlongh ding ah mizapi kan lung i rual hram seh! Credit-Olivia Nu Cinzah

Be the first to comment

Leave a Reply

Your email address will not be published.


*