CNA/F kong :Ral tuk le tuk lo kong le kah le kah lo kong cu ralkap a simi CNA nih an theih deuh ko lai caah CNA/F an cawlcang lo kan timi hi cu kan palh deuh men ko lai.

Dalan Pastor:Nihin kha keimah he aa theihngal ngaimi kan naupa pakhat nih phone a rak ka chawnh. A min cu ka chim lai lo. A umnak ram zong ka chim fawn lai lo. Laimi zia kan ti cu phundang pi hna in a kal sual ai lai ka ti. Norway ah a ummi cu a si lo. Atulio thil a cangmi ah a lung a tling lo ngaimi thil pahnih kong a ka chimh len. A ka chimh tinak hmanh in, a zai tining law a hmaan deuh men lai dah. A ka hro len ti khawh zong a si men fawn hnga.

A lungput bel :Telephone chung a si ko nain, a aw a sang ngai. A thin a hung tuk timi a lang ngai fawn. Asinain, ka cungah a thin a hunnak ding le a ka hronak ding pakhat hmanh a um lo caah a zai biatu a si deuh ko. A chim lenmi thil pahnih cu; Dalan Pastor timi le CNA/F kong lawngte a si. Ziah, kei cu CNF lei ah zeihmanh ka si ṭung lo, Pastor lei chinchin cu a piangthar lo an timi pei ka si cu ka hon ti i, a aw a ṭhumh ṭhan ruangmang tawn ve. Ka ngaithiam, ka thin a hung tuk sual a ti ve. Kei hi caṭial hmang ka si caah zapi theih in ṭial seh ti khi hei ka duhpiak ngai sehlaw ka dawhter.

Dalan Pastor:Kalaymyoh hrawngah dalan Pastor cheukhat an um ve rua. MAH ralkap nih “tapaih khaanṭat” an dum riangmang i ngaihthlem in an kah kha dalan Pastor an um caah a si tiin ka theih i na thei ve maw ti khi a si ko. Aw.., atulio thawngpang cu a hmaanmi zahzat, a hmaan lomi zahzat a si i, a theih cu ka theih thluamthlam pah ve ko ka ti ve. Cu hnu cun van a tong cang. Pastor dalan hrimhrim ka fih a ti. Kei cu kaakhat hmanh ka holh ve lo. A thin a hun tukning hi a pawngah meilah tuning law a alh men lai dah. Dalan ciocio i Pastor dalan rengreng zong cu keimah zong ka uar lo tuk ve. A cu Pastor dalan cu!

CNA/F kong :Ral tuk le tuk lo kong le kah le kah lo kong cu ralkap a simi CNA nih an theih deuh ko lai caah CNA/F an cawlcang lo kan timi hi cu kan palh deuh men ko lai. Asinain, mipi nih CNF kan dirhkamh tuk cio ko nain, tangka an ngei lo ti lengmang le meithal an ngei lo ti lengmang hi cu ka thin a hung. Ramthumnak a phanmi hna nih meithal ṭhaṭha kan cawkmi hi a tlawm bik zun 200 a tling hrimhrim lai. Kan cawk ti zong a um lo i, kan caw lo ti zong a um fawn lo caah ka thin a hung chinchin. A si hrim ko ka hon ti ve ahkhin a thinhun a zualmi a lo ngai.

Dalan.Dalan kong kan ceih lio hi keimah zong ka holh ngai ve. Laitlang dalan pawl khi CNF nih ṭuanvo an laakding a si timi ah kan lung kan i hmu thiam ngai. Dalan Pastor timi kong zongah kan i hmuh thiam ngai rih fawn. Keimah nakin a “pinn ṭhan” deuhnak cu Laitlang dalan pawl CNF nih ṭuanvo laakding timi ahcun a lung a tling deuh lem lo. Atulio kan dirhmun ahcun Laimi le Laimi zong “luhmuhzi” kan tuah awk a si lo a ti bak ko.

A mawh lo ka ti ve. Atulio kan dirhmun cu thil pahnih te lawng a si ko. Thil dik maw na dirpi lai, lih dah na dirpi lai ti khi a si ko. Phundang in cun, mipi lei maw na um lai, MAH lei ti khi a si ko. A cu mipi le MAH karlak i dalan si cu dahngai. Dalan cu thil hrawktu a si. Dalan hi atulio lawng a si lo cu. Khrihfabu chung zongah an um tawn ko.Credit-Perhkalh Thawng

Be the first to comment

Leave a Reply

Your email address will not be published.


*