CNA DaiTe In An Um Rih Hi Kan Him Nak ASi

News kan zoh tik ah Kayin kan unau le hna an temtuar nak zoh tik ah hin zaang a raam tuk hringhran e.A tu kan nih Laimi kan dirhmun ah hi bantuk dirhmun khi hei tawng ve usih law ka ti ah hin, a tu ah CNA mawhchiat in cu e kha e nan ti mi hi ttha te in ruat hmanh u. A hrut mi Kawl Ralkap nih zei hmanh midang zawnruah nak um bak lo in a tuk hna ning hi nan hmuh cio ko lai. Miphun ralkap nih an tuk nak i a leh rulh hna nak le,Khua mi nih a tuk nak a leh rulh ning ai dang deuh in ka thei. Atu zawng ah TaHan ah cun VanzuangLawng in bomb a thlak hna lo. An hriam hman mi a a fat deuh ca ah asi kho men.

CNA nih kut vawn samh selaw an Sakhan kiangkap khua hna hi cu meialh in ai zel cawlh ko lai. Cutik ah nan hrut tuk e khawkhan nan thiam loe tiin a phunphun in nan zai cuahmah tthan lai i,nan vawlh nan pamh hna lai i mawh vial te nan chiat dih hna lai. A ngaingai ah cun kan dirhmun le sining zoh an thiam tuk rih ko hi.

An kah hna ruang ah mi tlaih an tthul lai lo i, Sandah piah mipi kah le tthio an tthul hlei lo loh. Zei kan ti hnga i sum deuh ko uh. A tik cu caan cu an mah nawl siko seh.Kawl phungthluk bia ah ”saya an tam tuk caah Sangphaw lawng a rawk ,, ti mi kan chuak sual lai. Phungthlukbia 24:5-6,Mifim cu mithawng nak in a thawng deuh, Hngalhnak a ngeimi cu thazang a ngeimi nakin a thawng deuh;Zei cahtiah ral cu tha te in khawkhan nak thawng in tei a si i Saupi timhtuah nak theitlai cu teinak asi. Cerdit-Venglawma Dawn

Na rel rih lo ahcun relthan:Hakha Mann Motor Mongtu Ko Kyaw Zin Hein Tlaih a Tong Ve.Hakha Mann motor mongtu Ko Kyaw Zin Hein cu March 26 ah Hakha Gate ah ralkap le palik nih an tlaih ve, tiah thawng kan theih.

Yangon lei in a rak tlungmi Hakha Mann Bus chung ah Nu Sui Ly Par hlam ding in an kuatmi Gas Mask pawl palik le ralkap nih an hmuh ruang ah motor mongtu Ko Kyaw Zin Hein le Ko Sai Kyaw Kyaw cu an rak tlaih hna.

Gas Mask a hlamtu ding Nu Sui Ly Par nan pehtlaih khawh lawng ah kan thlah hna lai an ti i, Nu Sui Ly Par cu atu tiang an pehtlaih khawh lo caah Ko Kyaw Zin Hein le Ko Sai Kyaw Kyaw cu pohma no. 505 in taza an cuai hna.

April 9 ah an pahnih in biaceih zung ah chuahpi an timh hna, tiah Ko Kyaw Zin Hein a farnu nih The Chin Journal ah a chim.The Chin Journal March 30, Hakha

Be the first to comment

Leave a Reply

Your email address will not be published.


*