Christmas le Nu Mary: Pathian nih Jesuh pawitu dingah a thim lio ah, “Kei cu Bawipa salnu ka si, na chim bang cun ka cungah si ko seh” a ti khawh.

Christmas le Nu Mary: Pathian nih Jesuh pawitu dingah a thim lio ah, “Kei cu Bawipa salnu ka si, na chim bang cun ka cungah si ko seh” a ti khawh. Sal dirhmun aa thim khawhnak hi Thiang Thlarau nih a umpi caah a si. A lunglomhnak nih zei dang harnak vialte a lonh dih. Elizabeth a va tlawng. Pum chung naute, thla ruk, nih Mary aw a theih tikah a cawl. Thla thum a va caam chungah Bawipa thatnak lawng te an chim lai tiah ka zumh. Elizabeth nih “Bawipa bia a tling taktak lai ti zumh cu na caah lunglomh awk a va si dah” tiah a lomhpi.

Elizabeth: Tlangbawi hrinthlak a si. Amah cu Zekhariah nupi a si. Elizabeth cu a cin caah fa pakhat hmanh an ngei kho lo. An nupa in an tar ngaingai cang. Jesuh hmai ah lamsialtu ding, Johan hringtu ah Pathian nih a thim. Bawipa caah zei poah a si kho ko.

Profet Anna: Asher phun chungmi Fanuel fanu a si. A va he kum sarih lawng an um manh. Atu cu kum 84 a sic ang. Biakinn kha a kaltak bal lo, chun he zan he Pathian kha rawlulh le thlacam in a biak. Jesuh naute biakinn chungah cuarpartan ding an ratpi lio ah Anna nih a hmuh I Pathian kha a thangthat. Ngakchiapa Jesuh kong cu midang a chimh hna.

Dawtmi nu hna, kei cu zei hmanh ka si loh, ti hlah u sih. A biapi tukmi Christmas ah kan nu hawi pathum zong Bawipa nih a hman ve ko hna. Mary bantuk in sal dirhmun I thim ve ko hna u sih. Elizabeth bantuk in midang thazang pek thiam ve ko hna u sih. Anna bantuk in Bawipa hmai kawl zungzal ko hna u sih. Kan sinak zawn cio in Christmas thawngtha aupi cio ko hna u sih. Merry Christmas and Happy New Year!
Bethlehem kan rak kal lio -Credit-Sailo Nu Thawng Thluai

Be the first to comment

Leave a Reply

Your email address will not be published.


*