Chinram ah Lam le sur ,fingle tlang vialte kan theih dih ko caah kanmah le kan khua le kan Ram cio ah Meithal he ready cio ko cang hna usih..

Chinram ahcun Ralkap kan tei hrimhrim awk a si.. kan lung ai rual cu ahau…

Chinram ah Lam le sur ,fingle tlang vialte kan theih dih ko caah kanmah le kan khua le kan Ram cio ah Meithal he ready cio ko cang hna usih.. Mindat ah akal dingmi ralkap vialte hi kan kah piak dih ding a si.. Pakhat le pakhat kan i bawmh ahcun Chinram ah ralkap kan tei lai a fiang cang..

Mindat bantuk in ral tha ko uh, Ralkap thamtham cu an hriamnam lawng an i bochan, raltuk an thiam lo.. Chin paraltha timi kha a taktak ah a langh caan lio a si..
Credit-Cung Hlei Thawng

Ralrin Thiamnak Ni fatin, caan fatin kan ralpa Satan nih a kan tukforh, sual hna seh ti a kan duh, Pathian sin in kan thinlung lak aa tim zungzal. Aa tim zungzal ti kan hngalh ko bu in kan i ralrin ve lo ahcun kanmah lei santlaih lo, sual phawt awk kan huah kho ve. I ngaihchihnak caan nih a kan liam taak sual ahcun a poi tuk lai. Atu lio har kan tonmi ahhin a lamkip in kan fim kan i ralrin thiam a herh mi a si.

Nangmah le keimah fimnak lawng le thazaang, raltthatnak, le runven thiamnak lawng nih a zaat naisai lo. Pathian fimnak le lungthincheuhnak kan hal peng a herh. Bawmtu ka herh ti kha a hmasa bik ah kan lung a pem a hau. Cu Bawmtu hmanh ahcun Thiang Thlarau bawmh ter hi a ttha bik. Baibal nih lam an hruai ahcun muihnak kha na tei ko lai. Zei tluk in a mui mi hmanh pei zunceh tia a simi ceunak nih cun a tei khawh ko cu! An ttialmi ca khuimaw ah ka relmi cu “Socrates mifim pa nih chun lai cingling ah mei inn i van in dinnak a kawlpi hna,” an ti bang khi a si i kan ram sining cu, cucu a si ko. Ralrin khun kan hau. Dinnak le zawnruahnak a pelpawi te hmanh a um ti lonak hmun le ram ah kan um, chun bak ah mei inn van in dinnak kawl a herhnak hmun ah kan um hi philh bak hna hlah usih. Khrih ceunak nih cun a donghnak ah teinak a kan hmuhpi lai i a tlau cangmi dinnak zong a kan hmuh piak khawh ko lai, kan ruahchannak tu cu dong hlah seh.

Hmur cip caan ah hmur cip thiam, dai te in um thiam; cawlcangh caan ah porhlawtnak tel lo in cawlcangh thiam a herh. Tthut sawhsawh- nuamhnak phun ah caan pek in kan nithla liam ter lo bak ding a si. Kei hi thong ah ka thla hna seh law…kei hi ruah lo pi in ralzam si ve ning law ti kha bia i hal peng ding a si. Sii, ei awk rawl, zaamnak ding hmunhma ka ngei maw?

Kuan hma pu sual ning law tah, zeitindah kaa thlawp lai? Ahodah ka fuh hna lai? Ruah lo pi in zanttim ah Samaria mittha pa nih a bawmh mi bantuk bawmh hau mi khi ka inn ka hram le biakinn ah rak phan sehlaw zeitindah kan thlawp lai? Kan huhphenh lai? Dalan ruangah leirawinak tong ning law caanttha cu maw ka hngah ve lai i ka lehrulh lai, asiloah ka ngaihthiam ko lai dah? Fb i thawng ka thanh mi, hawi he bia kan i ruahmi, hna hi a kan ral tu nih a rel khawh ve tik ah midang thihnak tiang a phan kho mi a si maw?

Josef kha zan ttim ah vanmi nih mang in ralrinnak a pek i naute Jesuh le Mary kha Izipt ram ah him te in a zaampi khawh ko hna (Matt. 2:13-15). Mindat nih a ton cuahmah mi siseh, tlangcung mi kan unau hna nih kum 70 tluk an ton cangmi zong kha an kan chimh peng ko i, ralrin cia, ralrin zia kan thiam tuk a herh. Ralrin awk kan hmuh cuahmah ko ttung i kan i ralrin thiam lo ahcun a poi tuk lai- chun he zan he a herh tuk lo ahcun kan fanu kan fapa hna kha khuachung tlonlen kha suum ter hna u, a herh lo in bike (mawttaw saikal) i ciit in a vaak mi kan tam rih. Dai te in, mah le inn te ah i erh khumh thiam a herh.

Atu kan ton cuahmah mi Satan hremnak hi cu a thawngpang a thang, sii aa din i tlaihhrem zong a hmang, hruhru hranghrang in meithal a puah i mi thil a fir; cucu fiang ngai in a langmi a si ko i, hrial cia khawh kan thiam a herh. Doh zia kan thiam ngai a herh. Lungfahnak le lungthawhnak (emotional) vial lawng in kan lehve hna ahcun i chuahsual a fawi tuk. An rap ah kan i foih sual ve ko hnga. Uihrut cu anmah te in zeimaw ah an i su chin lengmang te ko lai i an thah khawh te ko hna lai, nangmah le keimah nih lang-hngan tuk in va derh len kha kan himnak hrawk tu a si kho. Pumpak, innchungkhar, khrihfabu le miphun huap in kan i ralrin thiam a herh.

Pathian sin ah uihrut thahnak sii rianrang in kan hmuh khawh naklai thlacamnak in kan hal lai; Covid-19 pulrai hrik vennak khamnak sii zong mizapi kan i chunh khawh ve nak lai Pathian sin ah bawmh hal in thla kan cam hna lai. A zei lei hmanh in Satan kha kan nunnak ah caanttha le hmunhma pe bak hlah usih. Mi ka uh-ttanh sual ahcun keimah le nangmah sining kha i zoh hmasa usih law thinhunnak chung in kan luat tthan khawh naklai thlacam ko usih. Kan pumsa, thinlung, le thlarau hi a dam i a tthawn a herh.

Zeihmanh nih kan zen ter hlah seh! Biahalnak tampi hun i tuah hna usih: zeitin dah Pathian bia in ka doh lai, zeitindah ka miphun hi ka runven lai, ti in Pathian chungah aphi kan kawl peng hna lai. Durbing, GPS, Helicopters, Jet fighters, miakpi, le meithal ttha ttha phun tampi zong an i ken i an ngei lengluang ko lai, asinain kannih a kan vengtu Vanmi cu anmah nakin an tthawng deuh ti kha kan philh hna lai lo (cf. 2 Siang. 6:16-17). Israel miphun bang zei kan tuah lai paoh ah Pathian kan chimh hmasa lai. Ralring te in kan um, kan cawlcangh thiam khawh naklai Van fimnak nih kan hruai hmasa cio ko seh.credit-Lal Pek Lian

Be the first to comment

Leave a Reply

Your email address will not be published.


*