Chinmi pakhat kanthih ah ralkap 10 kan thah hna lai.

Kan zoh lai Maw? Kan doh Lai Dah!Nihin ni hi duhlonak lanhter ca tar i put ni a si lo. Nihin ni hi kut isih in zoh ni a si lo.

Kan ngeihmi kan thiamnak dihlak kan ram caah kan thi lai, kan miphun caah kan tuar lai. Kan chimram caah kan lu kan thap lai.
Chinmi pakhat kanthih ah ralkap 10 kan thah hna lai.

Thih na tih ahcun ral do duhhlah. Kan ram caah nunnak apemi dihlak upat kan ni pek hna.Kan thisen nih kanram a dir kamh lai. Thih na tih ahcun mi sal kan si zungzal lai.
Vuikhat long kan thi lai, vuihnih kan thi ti lailo, Ralrin te in ral tu kan tukding a si cang.

Hohmanh kamlo Chin kan si. Kanram cia le kan hmun ciah an duh poah in an kan uk kho lo. Kathih tiang ka doh hna lai.Credit-J.TZT

US State Department le CHRO ton biaruah nak.Kan ram democracy le human rights kong ah biatak te in hmaisuang in ttan a la zungzal tu cu US cozah asi.Kanram kong le abik in Chinmi kan sining kong ah US cozah le CHRO hi pehtlaih nak ttha te in a nei peng.

Atu kan ram buainak fak pi in arak chuah tik zong ah an mah US State Department Global Criminal Justice Bureau tawlrel nak in State Department bureau Dangdang hna, USAID le CHRO team ton biaruah nak kan nei kho.

Tutan cu kan ram thil sining a linhsat deuh caah State Department I Burma ram he aipehtlai mi Bureau vialte tling te in an itel.

US State Department lei in Bureau for Global Criminal Justice, Bureau for Conflict and Stabilization Operation, Bureau for Democracy Human Rights and Labor DRL, Office of East Asia and Pacific EAP ,Office of International Religious Freedom (IRF), Bureau of Populations, Refugees, and Migration (PRM), pin ah USAID in upa hna an kai.

CHRO team zong asi khawh chung in Management level tling te in kan kai ve.

US State department hi CHRO he kan itong lengmang tawn na in atu bantuk in Bureau tling te in an kai ballo. Can pek te in kan ram thil si ning kong Ichimh ruahnak kan neih caah kan ilawm ngaingai. Ton biaruah nak peh lengmang ding in bia kan itiam.

Kan chimrel mi hnihkhat Pathian nih thlua a chuah ah cun theipar tha ah can ter hram ko she.Credit-Salai Bawi Mang Lian

Be the first to comment

Leave a Reply

Your email address will not be published.


*