Chin Ramkulh Zuatkhalnak le Thlopbulnak Zung nih uico le chizawh raikhamh sii chuh cuahmah

Chin Ramkulh Zuatkhalnak le Thlopbulnak Zung nih uico le chizawh raikhamh sii chuh cuahmah

Chin Ramkulh Zuatkhalnak le Thlopbulnak Zung nih thla 3 cung uico le chizawh cu uihrut raikhamh sii cu nithum chung zing suimilaam 10:00 in zaanlei suimilaam 3:00 tiang Hakha ah a lak (free) in an chunh cuahmah hna, tiah kan theih.

Hi kong ah pehtlai in sii a chuntu Dr. Rebecca Sung Chin Tial le Dr. Lesly Van Bik nih, “Atu kan chunh mi raikhamh sii hi uihrut zawt khamh sii a si i, tukum chung ah 110 chunh ding in kan i tim. Hi raikhamh sii hi kum khat chung a nguh mi a si. Kum 3 tiang chunh a si. 2030 ahcun Myanmar ramchung ah uihrut zawtnak um ti lo ding in timhtuah a si,” tiah The Hakha Hakha Times ah an chim.

January 27 hi Hakha Khuathar Khuabawi Zung ah an chunh hna. January 28 hi Dawrthar, Town Hall ah a si lai. Cun January 29 hi Pyidawtha Tualleng sianginn ah chunh a si lai. September 28 hi vawlei cung huap Uihrut Zawtnak Dohnak Ni a si, tiah kan theih.Credit-The Hakha Times

Be the first to comment

Leave a Reply

Your email address will not be published.


*