Chin Ralkap Caah Special Fund

Nihin cu kan Lai ralkap Salai Thang Hloh miphun le ram caah nunnak a pek tiah kan theih i kan ngaih a chia, khatlei ah upat kan pek.

Atu bantuk ralram ah an thih, hliam an tuar tbk ah pung-hman tein bulhnak tuah khawhnak fund adang tein um sehlaw atha tiah ka ruah.

Thawngpang kan theih can ah mizei paoh in fundraise tuah khi a tha ve ko na’n a rem deuhlo in ka hmuh. Voi khat le voi khat fund a chuakmi zong aa dang ngai kho, a phun phun…

Cu caah group pakhat khat nih a hmun ding, mumal ngei tein, ramkip huap in fundraise kan tuah piak hna sehlaw Chin ralkap pakhat khat an can sual tikah consistently tein bulh/bawmhnak an pek khawh lai. Cu phunphai deuh cun kan kalpi awk a si ti zongin ka ruat. Kaa lawm Credit-Salai Tk Lyan

National Unity Government:1. 2008 Phunghram nih a hrinmi he aa dang cikcek mi asi. Nan theih ciami a si ko lai. 2008 Phunghram ahcun President kha head of state le head of government a si.

2. National Unity Government cu parliamentary system in a kalmi a si. Head of State cu President Win Myint a si. Head of Government cu Prime Minister Mann Win K T a si.

3. Head of State a simi President cu thonginn chung a um zong ah Head of Government a simi Prime Minister nih duh tawk in rian a tuan khawh – Head of State cu ceremonial service a tuah tu long a si.

4. Mifim thiam tiah aa ruatmi nih Myanmar cu Head of State le head of government ah pakhat long a simi Presidential system in a kal awk a si an ti. Mah ti a si ahcun Tlangcung mi kan sung tuk lai. A zungzal in kawl miphun long nih president an tuan lai.

5. Atu cu Parliamentary system in a kal caah President cu head of state ram pumpi a lu a si nain achung rian a tuantu taktak cu Prime Minister head of government a si caah a tha tuk. A fiang mi cu President cu tlangcung mi zong nih an tuan len te lai nain Prime Minister tu cu thutdan tampi acotu party lutlai nih a tuan te lai caah kawl deuh an si te ko lai. A poi lo.

6. Atu National Unity Government phungsan hi 2008 nih a hrinmi President bantuk kha a si naisai ti lai lo ti kha nan theih ciami cung ah a thar in hun nolh than ka duh.

7. Head of State le Head of Government ah minung pakhat long a simi ram uk hruai ning cu USA presidential system kha a si. (2008 phunghram)

8. Head of State ah minung pakhat , Head of Government ah minung pakhat – atu National Unity Government bantuk phungsan cu India ram, Germany ram bantuk he an i lo. President pakaht a um bantukin Prime Minister pakhat a um ve. Constitutional monarch ram ah England ram, Thailand ram bantuk.Credit-Thawng Za Pum

Be the first to comment

Leave a Reply

Your email address will not be published.


*