Zual Ko Pu Biak Cin Sang (31) Jordar sangum mi nih Dongva A tawnnak ah mual a kan liam tak.

Zual Ko Pu Biak Cin Sang (31) Jordar sangum mi nih Dongva A tawnnak ah mual a kan liam tak.

Mithi kan ngei .Pu Biak Cin Sang (31) Jordar sangum mi nih Dongva a tawnnak ah Feb. 27,2023 chun sml. 12 ah mual a kan liam tak. Pu Hei Luai (Tleicia) a tu pa a si.Hakha ah a ruai vui ding in an rak tlun pi lio a si.

Tuzan a ruak an phakpi khawh ahcunFeb.28,2023 zinglei sml 10 ah ruakvuinak service kan tuah lai i No. 2 Cawbuk thlan ah vui a si te lai.Pu Biak Cin Sang nih kaltak mi chungkhar Khrihfabu nan ngaihchiatnak kan in hrawmpi hna. Pathian hnemhnak nan sin ah um hram ko seh.Crd.Zion Baptist Church Hakha Chin State Myanmar

Myanmar Ralzaam Pakhat Cu Manipur Ramkulh Thonginn Ah A Nunnak Liam.India ram, Manipur ramkulh Imphal thonginn ah an chiahmi Myanmar ralzaam Pu Lamkhochon Guite cu ruah lo piin a nunnak a liam, tiah theih a si.

Kum 32 tluk Pu Lamkhochon Guite cu Tamu peng Sayasan khua in Manipur ramkulh Moye peng Lankyian khua ah ralzaam in aa dormi a si i tlaih a ton caah Imphal Sajiwa thonginn ah Myanmar ralzaam 80 leng he an chiah hna, tiah theih a si.

“Zanṭim ah ruah lo piin a lung rian a ṭuan ti lo caah a nunnak a liam. Lung zawtnak a ngeimi a si hnga maw ti cu ka hngal lo. Ruah lo piin a au i a lung a cawl ti lo caah a nunnak a liam,” tiah Burma Refugee Kabaw Valley Chairman Thang Se nih a chim.

Cu pin ah kum 79 tluk tar 3 zong an ngan a dam lo i Imphal sii-inn ah an kalpi hna. Asinain sii-ai zong in ṭha tein an zohkhenh hna lo. Cu hnuah thonginn ah an kalpi ṭhan hna. Hiti ning tein an chiah ko hna ahcun a dang pawl zong an ngandamnak ca ah thinphang a si ko, tiah a chim chap.

Manipur cozah nih Myanmar ralhrial 393 kan tlaih hna i minung pakhat zong India ram chung um khawh lo ding in kan ṭhawl. Minung 105 cu thonginn ah kan hren hna i 180 hi biakam misen thut in kan thlah ṭhan cang hna, tiah N Biren Singh nih a chim.The Chin Post