Zual Ko Pastor In CDF-Mindat Ah Lutmi Miphun Caah Nunnak Liam

Zual Ko Pastor In CDF-Mindat Ah Lutmi Miphun Caah Nunnak Liam

Pastor dirhmun in CDF-Mindat ah lutmi ralhraang hriam ruangah Nohawng 25 ah miphun le ram caah a nunnak a liam.

Nunnak liammi Billy Aung Thang hi Yangon khuapi ngaktah sianginn in a thangmi a si, cu hnuah Baibal sianginn a kai i a lim hnu ah Pastor riantuanmi a si. Ralhraang nih nawlngeihnak lak an timhthawk in Pastor rian dinhtak in miphun caah hriamtlaimi a si.Crd.The Lairam Times

MLA Pu Lalduhawma Nih Ralzam Ca Ah Vote Serpiak Ding In Mizoram Assembly House Ah A Chim!Zoram People Movement (ZPM) Party hruaitu, Serchip bial MLA Pu Lalduhawma nih cun nizan Mizoram cozah Assembly house chung biaceihnak ah Mizoram ah a lutmi Chin ralzam hna cu vote serpiak in, ration card tuahpiak ding in a duhnak kong a chim.

Assembly house ah hin Hachek bialtu Pu MLA Pu Lalrindika ralte nih cun ‘ralzam hna him tein an um khawh nakhnga hmunkhat teah an um khawh nakding tuahpiak siseh’ tiah pumpak biatung a chuahpi mi pehzulh in Pu Lalduhawma nih cun atu bantuk in ralzam hna ca ah vote le ration card serpiak ding in a duhnak cu a chim.

Pu Lalduhawma nih cun Myanmar in a rak lutmi ralzam hna cu khrihfabu le zatlangbu ah an si khawh tawk in i teltum i, mah khuaram bantuk i khuasa ding in a duh hna. “Phungning loin Assam ramkulh ah Bangladesh in a lutmi hna cu

Assam cozah nih rammi sinak a pek hna bantuk in Chin ralzam hna cu zohnahthlak an si ko caah rammi sinak pek ve ding a si ko, Mizoram zong hi an ram a si ve ko” tiah Pu Lalduhawma nih cun a chim. Hipin ah hin ralzam hna ca ah Special Economic Scheme tuahpiak ding in Mizoram cozah cu a nawl i, ralzam hna nunphung thanchohnak ding ah ralzam(refugee) min siloin rammi bantuk in bawmhnak tuaktan piak ding in nawlnak a tuah.

Pu Lalrindika Ralte nih pumpak biatung(private resolution) a chuahpi mi cu House member vialte nih an cohlan i, “Myanmar le Bangladesh in zohnahthlak a rak lutmi vialte cu Mizoram cozah nih a herh ning in kilven le an herhbau mi a tuaktan piak hna pinah an umnak ding zong a tuaktan piak hna lai,” tiah biachahnak an tuah.

2022 kum donghlei i Kuki-Chin Natinal Army le Bangladesh ralkap hna buainak ruang ah Mizoram thlanglei ah Chin ralzam an karh i, cupin ah Myanmar buainak ruangah 2021 in a lutcia mi zeimawzat an um fawn. Atu dirhmun ah Mizoram cu Chin ralzam tam biknak hmun a si i, mizoram peng 11 ah ralzam 40,000 hrawng an um lio, tiah tualchung zatlangbu hruaitu hna record ṭial ning in theih a si.Pu Lalduhawma, MLA