Zahan TT raltuknak ah miphun dawtu pasaltha Moses le Vantha an nunnak a liam than

Zahan TT raltuknak ah miphun dawtu pasaltha Moses le Vantha an nunnak a liam than. Palek sakhan luh hnawh hnu in tuni tiang kan unau 4 an nunnak a liam cang. Ngaih a chia hringhran ko.

MAH ralkap cu thazaang an rak chap hna i February 14 ah khan TBC biakinn le Ah-Mah-Kah sianginn tiang an rak phan cang. Tuhi palek sakhan ah an lut than cang maw timi belte a fiang lo. Vanlawng he miakpi he nifatin hnachet dih deng tiang in an kah peng ko hna.

Miphun ralkap hruaitu nih zeitindah biachahnak an tuah te hnga? Hmai nor chih ding or chikhat hnu i thawn rih(retreat) ding dah? A tha bik biachahnak an tuah nak hnga Pathian tu nih an lungthin ah rian rak tuan hram ko seh.Crd.Salai Lung Thli Tum

Falam Khuachung Kahdohnak Ah Tlaih A Rak Tongmi Minung 5 SAC Nih An Thlah Cang Hna. Chin ramkulh, Falam khuachung kahdoh lioah tlaih a rak tongmi minung 5 cu, thla khat tluk an hren hna hnu February ni 16 zanlei ah SAC nih an thlah cang hna, tiah theih a si.

“SAC nih biakamnak minsen an thutter hna hnu ah Salai Ngun Sui Thang, Pu Tin Hmung, Pi Ram Nuam, Pu Naing Kap Par le Salai Hrang Lian Awi cu an thlah cang hna,” tiah Falam ummi pakhat nih a chim.

A luancia January ni 18 zanlei ah Falam sianginn hngaktu palik cu CNA nih an rak kah hna ruang ah pawngkam ummi tualchung mi 24 cu SAC nih an rak tlaih hna i, 19 an rak thlah ṭhan hna. February ni 16 zanlei ah a taangmi 5 an thlah hna hi a si, tiah theih a si.

Tlaih a tongmi hna cu dohthlennak ah kan i tel lai lo, dohthlennak zong hi tha kan pe lai lo tiin minsen an thutter hna hnu ah SAC nih an thlah hna, tiah theih a si.The Chin Post