Zaangfah bawmh halnak kan Share piak ve uhlaw

Zaangfahten mi tlau a um { Amin – Sang Chin}  January 4 ah Hakha ah a kal i mah nak cun a tu tiang a chuak ti lo a thawngpang zong kan thei kho ti lo tiah a nu le pa nih lungrethei ngai an chim. A hmu mi nih thawng rak kan thanh hram uh tiin kan in nawl hna.Patleihnak – 09255376615 / 09427882115

Bomb Thianhhlimhnak A Tuahtu SAC Ralkap Kahdoh An Ton Caah 3 An Thi, Hliamtuar An Tam Sagaing ramṭhen, Sagaing peng Natkhayine khua pawng ah bomb thianhhlimhnak a tuahtu SAC ralkap hna cu March ni 4, zinglei suimilam 11:00AM luan ah kahdoh an ton caah SAC ralkap 3 an thi, 7 nih hliamhma an tuar tiah tualchung hriamtlai phu lei in ṭuanvo ngeitu pakhat nih a chim.

SAC ralkap minung thazaang 20 hrawng he bomb thianhhlimhnak a tuahtu SAC ralkap hna cu Laykyi khua le Natkhayine khua kar an phanh ah bomb lung thum puahhnawh in kan doh hna tiah Farmers Revolution Force (SGG) in chimphuannak nawl ngeitu nih a chim.

SAC ralkap bomb kan puahhnawh hna hnu ah bomb puahhnawh a tongmi ralkap hna nih cun an umnak pawng hrawng le an duhnak hmun poh hriam an thlah, cun anmah lei hliamhma tuarmi hna zong private leilawng pakhat in an kalpi hna tiah a chim chap.

SAC ralkap hna cu Farmers Revolution Force (SGG) le Sagaing Fighter phufonh nih an kahdoh hna, cu dohnak ah cun tualchung hriamtlai phu lei hliamhma tuarnak um loin hnu an tolh kho tiah theih a si.Myaelatt Athan The Chin Post