Yangon laimi sinah zaangfak nawlnak

Nihin  ah Yangon in “El S Tar” timi  nu nih a ka chawnh i zaangfak taktak a si. Ka min cu El S Tar ka si i fa pahnih ka ngei i kan hartuk. Eidin tirawl kan  ngei lo i zahan hna kha cu rawl loin kan um tiah a ka chawnh i keihi india ah a um mi ka si ee.

Yanyon laimi sinah miharsa bawmtu bu an um Le um lo ka van hlat lai i na phone no ber ka tar chih lai ka ti. Hihi kan laimi Yangon um mi nih zaangfah ten bawmh chanh khawh le an konglam rak kan hlat piak hna ulaw a tha tuk hnga. A chim ning ahcun zaangfak tuk an si ko. Hihi an ph number a si lai.(09767588196)Crd.Lc Thang

Pek Hi BAWIPA Thangtthat A Si.
Phungthlukbia 3:9-10 BAWIPA cu na chawva le na thil ri thei tlai hmasabik in thangtthat tuah; Cun na rawl inn cu khat hluahmah in a um lai in a mitsur nennak khur cu mitsur hang in a liam lai.

BAWIPA hi thangtthatnak co awk a tlak. Thangtthatnak pek awk a si. Bawipa thangtthatnak ah hin Salm cattialtu nih pahnih a kan chimh.

Na chawva in Bawipa thangtthat. Pathian cu zeizong vialte hram a si. Bawipa chung ah kan nung. Bawipa chung ah kan cawl kan cang. BAWIPA hi kan chawva in thangtthat ding a kan fial. Chawva hi Pathian sin in kan hmuhmi a si. Chawva kan kawl hawlnak ah Pathian duhnak a silo ahcun a pinglengmang suk a fawite. Chawva kan tinco mi Bawipa sin i pek hi Kan zumhnak a zik a phaknak a si.

Nihin ah cun fale hna rai thawi a um ti lo. Abraham nih Isak raithawi ding in a timh cu Pathian nak in a ca ah zeihmanh a biapi mi a um lo ti a langhternak a si cu aw! Kan hmuhmi chawva a sinah kan pek tthan hi amah kan upatnak le kan thangtthatnak a langhter.

Thilri thei tlai hmasabik in thangtthat. Able nih a kan hmuhsak mi a si. A rianttuannak chung in a ttha bik bik hna kha a hmasabik ah BAWIPA sin ah a pek. BAWIPA sin ah chawva pek hi kan mah lungchung in an pek hnuah a langmi tuah sernak a si. Pathian nih a bia in a kan cawnpaik. Abia kan chung i a nun langhternak a si. Hi bantuk in BAWIPA kha kan chawva le kan thilri thei tlai hmasabik in kan thangtthat tikah a lotlau a si lo. BAWIPA sin kan phakpi mi hna cu an kir tthan.

Na rawl inn kha khat hluahmah in a um lai. Rawlruk khat in Pathian thluachuah tinco cu a sunglawituk mi a si. BAWIPA thangtthatnak theipar a si. Pathian sin ah chawva in siseh, a can zong in siseh a pumpe mi hna hi an nunnak ah thluachauhnak an hmu. Congkhamh kha a lottuan tawnmi an chuhnak in tihsernak ah vac ang seh an t ii an ttuantermi lo in thluachuah tampi a hmu ti hi laimi Khrihfa kan tuahbia a si.

Mitsur nennak khua liam. Baibal chung ah kan relmi cheu khat hi harnak kong a um ve. BAWIPA nih thluachuah a phih kanh hna ahcun lochung ah a vui lai ti an ruah mi nak tlawm deuh a chuak. Mitsur nennak cu a hang chuak ding an ruah chanmi nak tlawm te lawng an than khawh ti hi a si ve (cf. Hosea 2:9). BAWIPA nih a tlaihmi cu a hohmanh nih chuh kawh a si lo. BAWIPA nih a pekmi zong donh khawh a si ve lo.

Bawipa hi thangtthat law, na chawva, na sining, na nunnak chung ah thluachuah na hmuh lai. Na fa pa le hna le na fa nu le hna zong thingkungbantuk in thawngnak a pek hna lai i Bawi inn ttamhnak suttung bantuk an si lai (cf.Salm 144:12-13).Bil Hmung

Be the first to comment

Leave a Reply

Your email address will not be published.


*