Ukraine President Zelensky nih UK Parliament ah bia a chim.

Ukraine President Zelensky nih UK Parliament ah bia a chim. A biachim hmual ngeituk kaw mipi kutbenghpiak thawng cu khuarii bang a thang ko. Siangpahrang Charlse zong a ton lai. Nihin kan vawlei ah hibantuk hruaitu tha vawlei ah an um rih hi khuaruahhar lei khi asi.

Russia nih Ukraine atuk hnu atuhi avoikhatnak UK a hun phanh asi.

Nikum U.S. Congress zong apumpak in bia arak chim cang. Mipi nih abiachim tha tuk tiah an fak an lawmh lio ah, Republican hruaitu cheukhat nih congress biachim lio hna ralkap thuam hna ihruk cu mi zei rello asi tiah heh an rak soisel. Chungthu lengnal R cheukhat tiko usih.

U.K. Parliament hmai zong ah ralkap thuam tthiamthiam he asi. Cucaah hruk-aih hna hi cu biapi asi lemlo. A tuahmi le achimmi hmual ngeih le ngeihlo tu hi asiko rua. Crd.Kham Pi

KNU Hmunhma Ah Kahdohnak Voi 8000 Leng A Chuak, SAC Ralkap 7000 Hrawng An Thi. Karen ramkulh le Mon ramkulh KNU hmunhma ah SAC nih uknak a laak kum hnih chung ah kahdohnak voi 8000 leng a chuak i, SAC ralkap 7000 hrawng an thi tiah KNU nih phungning tein cathanh a chuah.

SAC nih hramhram uknak a laak kum hnih chung ah kahdohnak voi 8038 a cang, SAC ralkap lei in 6876 an thi i 5519 nih hliamhma an tuar. KNLA/KNDO phufonh lei in minung 219 nih ram le miphun ca ah an nunnak an pek, 605 nih hliamhma an tuar tiah theih a si.

Kaphnih kar a chuakmi kahdohnak ah SAC ralkap hna cu KNLA, KNDO hruainak tang ah a ummi Drone phu le tualchung hriamtlai phufonh hna nih SAC ralkap cu an kahdoh hna. SAC ralkap an hram a cah tiang kahdohnak ah hmai kan nor chin ko lai tiah theihternak an langhter chih.Khit Thit Media