Tulio kan sining cu Solomon hmai nu pahnih ngakchia an i cuh kha a lo pah.

Inn kang seh, an mino nunnak tampi liam seh, an celh lo tiang in temtuar hna sehlaw an miphun ralkap hna kha mawhchiat hna seh, an lungdong sehlaw kan uknak tang ah dai tein khuasa hna seh timi khi MAH ralkap an saduhthah cu a si.

Cuve bantuk in, kahdohnak um peng seh, inn zong ciam pah ve ko seh, mino nunnak zong a zatawk liam ve ko seh, cuti temtuarnak a tam ah mizapi an lung a fak lai, miphun tanhnak nationalism a thawng chin lai i MAH ralkap huatnak karh chin seh, cutikah mipi nih an kan bochan deuh lai i โ€™power nawlngeihnak he rumnak chawva heโ€™ kanmah nih kan control hna lai timi hi US le EU ah pe 10 a chahmi sofa cung computer hmai in โ€˜kan tei dengmang cang, zubui mei can lawng ai duhโ€™ tiah a rak au tawnmi fimzer uktu pawl an lungthlitum cu asi ve.

KNU le KIA nih kum 50 leng an doh i an ram 1% hmanh an control kho lo, kanmah nih va tei ding cu a si kho lo timi cu fimzer rual nih an thei tuk ko dakaw. A thluak 100% a tling lomi or thluak tawl/brainwash a tongmi lawng nih kan tei lai tiah an zumh khi a si.

Tulio kan sining cu Solomon hmai nu pahnih ngakchia an i cuh kha a lo pah. Kaphnih in an thazaang um ek in an i cuh peng rih ahcun kan Chinram cu a kutke a kiak dih te lai i a nunnak thaw zong a dih te khomi a si.Crd.Salai Lungthli Tum

Be the first to comment

Leave a Reply

Your email address will not be published.


*