Thil ttha ttha, Brand ṭhaṭha, thil man sangsang hna kan i hruk aih ah cun Kan i hruk chung cu kan di a riam

Thil ttha ttha, Brand ṭhaṭha, thil man sangsang hna kan i hruk aih ah cun Kan i hruk chung cu kan di a riam kan i lunghmuih tuk mi cu a lo ko,

Asinain cu thil hna nih cun sau an nguh lo, A thar a chuak mi nih kan mit a kan lak i a thar duh nak in kan khat ṭhan ṭhiam.
Cu nih cun hi vawlei cung thil ah hnangam nak a um lo zia le Lawmhnak taktak an um lo zia fiang tein a langh ter…Crd.Iang Leng Sung

Taningtharyi Peng Ah SAC Ralkap Nih Hriamngan An Thlah Ruang Ah Ngakchia Pakhat Nunnak Liam, 6 Hliam An Tuar

2023, March ni 10 ah Taningtharyi ramṭhen, Taningtharyi peng Laytit khuakomh Santit khua ah umhmun a khuarmi SAC ralkap nih kahdohnak um loin hriamngan an thlah ruang ah tualchung mi kum 10 tluk ngakchia pakhat a nunnak a liam, 6 nih hliamhma fak an tuar tiah theih a si.

Kaphnih kar i kahdohnak zong zeihmanh a um lo, khuachung ah ṭhitumhnak tuah lioah atu bantukin SAC ralkap nih an duhnak hmun paoh ah hriam an thlah ruang ah kum 10 ngakchia pakhat cu a ṭang ah kuanfang nih a khen i hmakhatte ah a nunnak a liam hi a si i, nihin chunhnu ah ruak vuinak kan tuah colh, a dang kum upa cangmi minung 6 nih hliamhma fak an tuar” tiah khuami pakhat nih a chim.

SAC ralkap nih a ruang um loin hriam an thlah caah Laytit khuami hna cu a himnak hmun ah an tlizaam hna tiah theih a si.
Burma VJ The Chin Post