Thih Dar Thantlang Khua Saihpiozi Sang ummi ,Pu Thawng Mang-80 Nih a kan liam tak.

 

Thih Dar  Thantlang Khua Saihpiozi   Sang ummi ,Pu Thawng Mang-80 Nih a kan liam tak.

Thih Dar 23.2.2023 Thantlang Khua Saihpiozi   Sang ummi ,Pu Thawng Mang-80  (Cung Lian Thang Pa)cu Ralzam in an I dornak ,A Chuah nak khua , Thantlang Peng Khua Bung khua ah  23. 2.2023 ni ah a kan thih tak.Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak  in hnem ko hna seh .Crd.Pu Ram Khar

Magway Ah PDF Nih SAC Ralkap 11 An Thah Hna, 10 Hliamhma An Pu.Magway ramṭhen, February ni 20 lioah PDF nih SAC ralkap check gate le palik sakhan cu an rak kah caah SAC lei in 11 leng an thi, tiah NUG, runvennak zung MOD nih February ni 22 ah cathanh an chuah.

Tayet peng um SAC kuttang Sinkaw palik sakhan cu PDF nih an kah caah sakhan uktu telh in palik 3 an thi. Cu kahdohnak ah raltuk bawmtu a kalmi SAC leilawng pakhat cu Tayey pengkomh Battalion 4 le Mogyu Guerrilla phu nih bomb in an puahhnawh caah SAC ralkap 6 an thi, 10 hliamhma an pu, tiah theih a si.

“February ni 20 chung ah kahdohnak mission voi 3 tiang kan tuah khawh. Palik sakhan kan kah pin ah bawmtu ding in a rami leilawng zong kan kah. Mintone khua check gate zong drone in bomb kan thlakhnawh. Cu bomb thlakhnawhnak i a thimi le aa hliammi cu kan thei kho rih lo,” tiah Tayet pengkomh Battalion 4 in ṭuanvo ngeitu nih a chim.

Cu pin ah Gangaw peng Min khua um palik sakhan ah a kalmi Khah Lah Yah 50 in ralkap pawl cu PDF nih drone in bomb an thlakhnawh hna, tiah MOD nih cathanh an chuah.

Minhla peng, February ni 20 ah SAC ralkap 80 hrawng phurtu leilawng 5 cu Minhla Pah Kah Phah, Magway Pah Kah Phah le Asho Chin ralkap hna i bawm in an kah hna caah ralkap 2 an thi, hliamhma pumi an tam, tiah theih a si.

Magway ramṭhen, February ni 20 kahdohnak ah SAC ralkap 11 an thi i, 10 nak tlawm lo hliamhma an pu. SAC ralkap sakhan cheukhat zong an kang, tiah theih a si.The Chin Post