Thawngpang Tha bak si. CDF-Matupi nih Matupi-Mindat lam cung ralhraang sakhan an kah i ralhraang 9 an thi

Thawngpang Tha bak si. CDF-Matupi nih Matupi-Mindat lam cung ralhraang sakhan an kah i ralhraang 9 an thi

January 21, 2023 Matupi-Mindat lam cung ah a um mi ralhraang guard cawnghnak sakhan pakhat cu CDF-Matupi nih an kah i ralhraang pakua an thi, tampi hma an put leng ah MA-1 meithal pakhat zong an lak khawh tiah CDF-Matupi nih a thanh.

Cu ralhraang sakhan cu January 21, zinglei 8:30 thawk in CDF-Matupi nih an kah. Kap hnih kar kahdohnak a faak i ralhraang pawl an sungh ca ah bawmh ding in a ra mi ralhraang pawl zong zinglei suimilaam 10:30 ah CDF-Matupi nih an kah hna. Cu kahdohnak ah cun Council ralhraang pakua an thi, tampi hma an pu. Ralhraang MA-1 meithal pakhat zong an laak khawh tiah theih a si.

Nihin 2023 January 21 chung ah CDF-Matupi nih, Mindat lam ah kahdohnak voi hnih, Hakha lam ah voi thum, a dihlak ah kahdohnak voi nga kan tuah khawh tiah an langhter. Matupi peng chung ah ralhraang nih telephone line an phih caah nulepa sin raltuknak thawng a caan te ah kan in thanh kho hna lo, ti zong an langhter.

Photo: Nihin Midat-Matupi lam kahdohnak ah an laak mi ralhraang meithal le CDF-Matupi ralkap pawl. TheHakhaPost

Be the first to comment

Leave a Reply

Your email address will not be published.


*