Matupi peng Ngalai khua ah a luancia January 15 ni thawk in kahdohnak a chuak i CDF Matupi ralkap pakhat a nunnak a liam, tiah CDF Matupi nih January 16 ah cathanh an chuah.
CDF Matupi in ralkap pakhat a nunnak a liam pinah M4 meithal zun 2, Lai meithal zun 2, cycle 11, phone 7, kuan tampi le kyats tangka sing 15 hrawng SAC ralkap nih an lak, tiah an langhter.
SAC ralkap nih rallam an sialnak khua inn 3 cu vawlei cawhnak JCB in an hrawh i inn 2 zong mei in an khangh, tiah theih a si.
Matupi-Hakha lam ah SAC ralkap he zeitik caan paoh ah kahdohnak a chuak khomi a si caah khualtlawn le lamlit hrial rih dingin CDF Matupi nih January 15 ah cathanh an rak chuah.
Ralhrial in an zam dihnak Ngaleang khua cu khuate ngan ngai pakhat a si i Matupi hrambunh Khah Lah Yah 140 Battalion hmun he an i naih ngai, tiah theih a si.
Thimnak tuah khawh nakding ah chungkhar cazin a latu SAC ralkap pawl cu Mindat le Matupi peng ah rallam an sial i January thla thawk in phone line an rak phih dih, tiah theih a si.The Chin post
Leave a Reply