RIP Letpanchaung khuami tlangval Lal Kil Him nih ruah lo piin a kan thihtak

RIP Letpanchaung khuami tlangval Lal Kil Him nih ruah lo piin a kan thihtak.

Tlangval Lal Kil Him, kum 23, cu zahan kha ka nuam deuh lo tiin a um, cuticun zaan cu a it ko i a thaizing ahcun chawnh khawh ti loin a um. Cuticun sizung ah kalpi in a nunnak chanh khawh loin a liam. Kum no tete nih naihrawng cu an kan liamtak ngai i lung a nuam lo tuk.

Tantakmi chungkhar Bawipa nih in hnem ko hna seh.Crd.Chelsea Bawi

Well Two SAC Ralkap Sakhan Cu PDF Nih An Kah Caah Ralkap 7 An Thi, PDF Ralkap 1 A Nunnak Liam.Magway ramṭhen, Myaing peng Well Two Zinan hmun ah a ummi SAC ralkap sakhan cu PDF ṭangṭi phu nih kan va kah caah ralkap 7 an thi, tiah Kyiathitnet phu in Battalion Comander Ohkar nih a chim.

March ni 17 zing suimilam 6:00AM hrawng ah Well Two zinan hmun SAC ralkap sakhan va laak ding in PDF ṭangṭi phu 30 leng nih, an va kah ko nain Jet Fighter 3 nih bomb an thlak caah hnu an kir ṭhan, tiah theih a si.

“SAC ralkap sakhan kan kah hi a voihnihnak a si cang. An sakhan kan laak lai kan ti ko nain Jet Fighter 3 nih an rak bawmh hna caah zanlei suimilam 3:30PM hrawng ah hnu kan kir. Umhmun an khuarnak inn 4 zong kan hrawh piak hna pin ah ralkap 7 kan thah hna, kanmah lei in ralkap 1 a nunnak a liam ve,” tiah Battalion Comander Ohkar nih cun a chim.

Well Two SAC ralkap sakhan cu PDF ṭangṭi phu hna nih, a luancia March ni 9 ah voikhat an rak kah bal cang i, atu hi a voihnihnak an kah a si, tiah theih a si.

Cu kahdohnak ah Myaing peng PDF ṭangṭi phu, Pauk peng PDF, Pale peng PDF, Kani peng PDF hna telh in ṭangṭi phu 30 leng nih an kah hna, tiah theih a si.The Chin Post