Ralzam Sianginn Aizawl khua pawng ahhin ralzam sianginn an tuah ti ka theih caah can karlak te ah ka va kal ta i biaruahnak tawite kan va nei kho

Ralzam Sianginn Aizawl khua pawng ahhin ralzam sianginn an tuah ti ka theih caah can karlak te ah ka va kal ta i biaruahnak tawite kan va nei kho.

Hi khua ahhin ralzam milu 12,00 tluk an um i ca cawngmi hngakchia hi 300 tluk an si. An dirh ning le thil umtu ning kan i ruah tik ah, an VC (khuabawi) hna le YMA hna le hruaitu hna theihhngalh pinak in mahte cawlcanghnak in tuahmi a si. Inn hlan chom in an um caah a tuhi anmah tein sianginn nganpi an sak cuahmah lio a si. Hi bantuk sianginn hi Mizoram ahhin hmun hnihthum ahcun um cang dawh a si. Thil biapi le thil tha ngai a si tiah ka ruah mi cu NUG hngalhpinak in kanmah ram ca te an cawn mi hi asi.

Mizoram thudirmi kan fale hi, Mizoram um unau hna nih an kan dawt caah Mizoram sianginn (Cozah le private) ah an kai ter dih ngawt ko i kan um caan hi cu va fiang selaw, asilo ah um thai ding khi cu va si usih law thluak fak le retheih in khua ruah le tuaktan hi a herh lem hnga lo. Asi nain, kannih cu can karlak a hong i dor ta mi telawng kan si. Ni nikhat cu, a nung dam mi paoh cu kan ram ah Pathian thawng in kan kir than hrim te ko lai. Cu caan cu ton tir deuh zong ah a si kho ko i lam hla deuhpi zong ah a va si kho ko.

Zeiti i a nai zong a hlat zong ah kir te ding kan si ko caah hika i kanmah tining a si liomi te, kanmah ca le holh te i cawnnak a um khawh mi hi cu kan kir tik i pehzulh in an cawn tenak kong zong ah siseh zeidang zongah siseh ai rem deuh le a tha deuh cu a si ko la dah tiah ka ruah i ka lawmhpi tuk hna. Hruaitu hna le riantuantu hna zong ka upat ngaingai hna.

Kan Pathian nih, kan ca hrang ah a herh bik le a tha bik a ti ning in kan hruai cio hraam ko seh.Crd.Neely Laiuk