Ralzam nih hin Faruah thawh hi kan tih cem pawl ah ai tel ve

Ralzam nih hin Faruah thawh hi kan tih cem pawl ah ai tel ve …

A ruang cu inn lo rep kan nei loh .. kan um nak coka le inn hna hi Cir pa lin le màu chawn mi lawng te an si caah si ..

Thlichia le Furuah thawh ko ah hin kan inn kan lo kan ngeih a zual ee … Chin Chin Thantlang Photo Crd

Thantlang Peng Ralhrial Umnak Inn Cheukhat Faruahthawh Le Thli Nih A Hrawh Hna.Nihin March ni 15, zanlei suimilam 4:00PM hrawng ah thli, faruahthawh le rial nih Thantlang peng, Bungtlang ralhrial umnak inn cheukhat a hrawh tiah theih a si.

Mizoram ramkulh, Mizoram chung um ralzaam an umnak camp cheukhat zong ah thli, ruah le rial nih a den ve hna tiah theih a si.

Nikum atu bantuk ah Mizoram chung ralzaam umnak inn hna cu thli nih a rak hawh rawk dih ve, tukum zong hi thilphan dai lo kan si ko tiah nikhua kong he pehtlai in Mizoram chung um ralzaam pakhat nih The Chin Post ah a chim.

Hmanthlak: Nihin Thantlang peng Bungtlang ralzaam umnak inn a rawkmi le nikum Mizoram chung khua pakhat ralzaam camp a rak rawkmi hna an si.The Chin Post