Ralzaam nih innteek a tei hna

Innteek sersiamtu Ralzaam…
Kan ton cio, kan theih cio bang mi pakhat bawi le lal duh ruang ah uknak an i cuh i kan rampi cu 2021 kum in kan duh lo takmi ralhraang nih uknak a vun laak.

Uknak a vun laak in a hlan te i kan duh lo bang uknak tha lo cu rammi kan dihlak ngawt in lamzawh in thla hnih thum kan hun doh cio hna. Lamzawhnak lawng nih uknak tha lo a tei kho lo ca ah mino thatha nih thir meithal i tlaih in hriam he hun doh than a si.

Uknak tha lo dohnak kum thum chung kan hun lut cuahmah. Hriam vun tlaih bak in Chinmi ralzaam tam taktak kan hun um. Ralzaam hi a tam deuh cu kan ram ah zaam loin Mizoram le ram dang dang ah kan zaam deuh ngawt (kan ram chung a zaam mi zong an tampi ve).

Chim duhmi cu, “kan ram chung a zaam mi ralzaam umnak hmun poh ah ralzaam nih innteek a sersiam dih hna. Khua a thanchoter hna. A lamkip in inntek nun a chimh hna,” ti ning law ka palh lai ka ruat lo (pumpak hmuhnak mu).

Ralzaam nih innteek a tei hna
Ralzaam nih hin innteek cu zatuak 100 ah 90 cu a zeizongza in a tei dih hna tiah ka hmuh. Lungput, nunning, zatlang rian zong ah a tei dih cikcek hna. Tuahsernak zong in an tei dih cikcek hna.

– Bianabia ah, a hlan ahcun innteek dum hau an tuah lo. Ralzaam an hun ngeih hnu ralzaam nih mehhang an hun rin hna. Ralzaam an um hnu khua kiken lamsul an hun tha. Ralzaam an um hnu a hlan i an ton bal lo an theih bal lo an hmuh bal lo pawl ralzaam nih an hmuhter, an tonter an theihter hna.

Huiha…ralzaam hi innteek sersiam tu taktak le khua a thanchoter tu taktak cu an si ko.

Tial ding a tam tuk le nan rel huam sual la lo tiah laklawh in ngol ko n’ng.Crd-Salai Tluang Te

Be the first to comment

Leave a Reply

Your email address will not be published.


*