Raldoh ai thawkka ah ‘a cakei bak’ tiin Fb ah a rak lang deuhmi 90% cu Malaysia, Delhi le Aizawl ah an i thial dih cang.

Raldoh ai thawkka ah ‘a cakei bak’ tiin Fb ah a rak lang deuhmi 90% cu Malaysia, Delhi le Aizawl ah an i thial dih cang. Cheukhat cu Camp Victoria ah nupi an ngei i an cakei kho ti lo (Elishama, Ngun San Aung, Zabawi Thawng, Miley Sui tbk). Ram lak ah zaankhat khuasak hmanh har tuk kaw, a kum in temtuar cu a fawi bak lo caah an mawh bak lo.

Atu tiang ah ralhmun ah a um rihmi kan unau hna khi cu ram dawtu a sit taktak an si. Ralram ah an pawtam caan a tam lai ning, ihnak rep ngei loin zaan zeizat dah Laitlang khuasik lakah khua an dei hnga. Meithal kuan le jet bom lakah chukcho an cul, an rethei tuk lai ning. Cheukhat cu an nunnak a liam beh. Cu bu ah biakhiahnak nawl zeihmanh an ngei lo, meng thong dan US le EU sofa cung in fimzer rual hna nih an rak uk dih hna. Ka lungtha tawn lo.

Biadang ah, ka naupa Salai Tluangte hi a thawkka ah cun ramtang ah thlakhat a um kho lai lo tiah ka rak ruahmi a si. Sandah piah lio zong ah zapi theih in ka rak thangchiat bal. Nain, ka theihmi lakah amah lawng hi tuni tiang ralram ah a kal pengmi a si. Chizawh ah ka rak ruah tawn nain atu cu cakei a si cang, ram a daih tiang him hram ko seh tiah mitau buin thla ka cam piak pah tawn.Crd.Salai Lungthli Tum