India Ram, mizoram khua sa Pu Peng Lal cu nihin February 24 zinglei ah cuap cancer in a nun nak a liam.
Pu Peng Lal hi 1993 in 2011 tiang CNA ah rian a rak ṭuan mi a si. A thih ah a nupi le a fale pa (6) a roh tak hna tiah theih a si.
Nihin chun sml 1:00 (India caan) ah Pu Peng Lal a um nak khua Ngalchawn ah ruak vui nak an tuah tiah theih a si.Crd.CNN
Sintgaing Ah SAC Ralkap Leilawng Pakhat Bomb Puahhnawh Tong In 5 An Thi, Mandalay Ah Ralbawi Ngeihmi Night Club Hngaktu Kah An Tong
February ni 24, zinglei suimilam 10:30AM ah Sintgaing peng Shwehlanbu(ရွှေလှံဗိုလ်) khua le Saitpyuye(စိုက်ပျိုးရေး) khua kar ah ralven ding in aa chokmi SAC ralkap leilawng pakhat cu padeta bomb lung li hmang in puahhnawh an ton caah SAC ralkap 5 an thi, 7 nak tlawmlo nih hliamhma an tuar tiah theih a si.
Ralvengtu SAC ralkap hna cu Duhtawady(ဒုဌဝတီ) dohthlengtu phu le ṭangṭi phu li fonh nih an doh hna tiah theih a si.
Cu pin ah , Mandalay ramṭhen chung um ralbawi pakhat nih a ngeihmi night club Mandalay pahkahphah nih an kah.
Mandalay 54/30 lamcung ah a um i SAC ralbawi buhmu pakhat nih a ngeihmi Zeus Bar (Night Club) cu tualchung hriamtlai phu nih bomb an puahhnawh hna caah Bar hngaktu SAC ralkap 3 hrawng an thi tiah ACID Army PDF – MDY in ṭuanvo ngeitu pakhat nih a chim.
February ni 23, zan suimilam 8:30PM hrawng ah Zeus Bar (Night Club) hngaktu SAC ralkap hna cu Mandalay pakmhkahphah ACID Army PDF – MDY nih kutcheh bomb lung hnih in an puahhnawh hna hnu ah, Bar leng a chuakmi SAC ralkap hna cu meithal in voi 5 an kah hna.
Kahdohnak a dih hnu suimilam cheu hrawng a rauh ah bawmtu SAC ralkap an phan i bar pawng hrawng cu chekhlatnak tuah in ralvengtu an chiah hna. Mipi nih SAC ralkap an umnak hmunhma ah um kal lo ding in ACID Army PDF – MDY nih a thanh.Khit Thit Media
Leave a Reply