Pu HC Rin Piang, kum 56 mi cu nihin vaute 11, lo duahnak ah mei nih a kangh i, a nunnak a liam.

Ṭialdonglung Khua Lo Duahnak Ah Meikanghnak In Pu HC Rin Piang Cu A Nunnak A Liam!

Lawngtlai district, Ṭialdonglung khua mi Pu HC Rin Piang, kum 56 mi cu nihin vaute 11, lo duahnak ah mei nih a kangh i, a nunnak a liam.

Ṭialdonglung khua YLA President Pu Lawma nih a chim ning ah cun, nihin Vaute 11 hi Ṭialdonglung khuami longeitu hna lo duah ni a si i, Pu HC Rin Piang zong a lo duah ding in zing suimilaam 9:30 hrawng ahkhan aa thawh ve. Lo duahnak hmun ah cun atu bantuk in a nunnak a liam. Zeitindah aa hliam tibantuk cu fiang tein theih a si lo. A ruak cu a pawngkam um mi hna nih an fimhlawm, tiah theih a si.

Pu HC Rin Piang hi LIKBK Khrihfabu upa pakhat a si i, a nupi le a fale pathum a taantak hna. A fapa upa bik hi Tialdonglung YLA Branch ah Secretary rian a tlai lio mi a si. Ṭialdonglung khua hi Mizoram thlanglei Lawngtlai district, Myanmar ramri ah a ummi Lai khua, khuate pakhat a si.The Chin Post