Operasi Tlaih A Tongmi Chin Ralzaam Kan Hawi le Hna Caah Thlacam Bawm Cio hna usih

January 6, 2023 Kuala Lumpur chung Imbi sang i Operasi tlaih a tongmi Chin ralzaam cheukhat hna cu January 16, 17 ah biaceih zung (Court) ah an chuahpi hna i Malaysia Immigration zulhphung ning in thla 2 thong thlaak ding in dantatnak an tong. Cun cheukhat cu biaceih zung chuahpi loin Kawlram kuat ding in an timh hna tiah theih asi. Biaceih lio ah UN nawlngeitu hna zong an kal ko nain an bawmchan kho hna lo.

Cun December 1, 2022 lio i Kuala Lumpur chung Kuchai Lama Operasi tlaih a tongmi Chin ralzaam zeimawzat hna zong thla 2 thong thiam an si.

Thla 2 thong an dih hnu ah Immigration Camp an kuat than hna ding asi. Immigration Camp an phanh cang hnu cun UNHCR dah tilo cu ahohmanh nih va chuah awk an tha hoi ti lo. Malaysia cozah (Immigraiton) nih le UNHCR hi an rem ziar ve tung lo i chanhchuah ding a har ngaingai fawn.

Kan ram ah Ralhrang tlaih le hrem le thongthlak tih ruang ah ram dang ah humhimnak kan kawl lio ah tlaih le thongthlak va ton i Ralhrang sinah va kuat than ding cu a poi tuk.

Kum 2021 lio kha tluk rambuai ka le Covid pulrai lio hmanh ah Human Rights bu he NGO he UN he rak au len ko zong ah an rak kuat hna va si kaw a tu tan zong an kan kua than lai lo tiah chim awk tha lo. Zeikhom si ah kan ti khawh tawk thlacamnak in bawm cio hram hna uhsih.

Hmai lei ah kan umnak sang le veng ah Operasi luh a um sualnak hnga lo umtu thutdir kan thiam ngai a hau. A hlei in a phan thar mi hrimhrim hi a umciami khua upa le Pengtlang Khrihfabu hruaitu upa te hna zong nih chimh cawnpiak kan thiam hna hau. Pawngkam ah buaibainak le hnahnawhnak an chuahpi tawn caah Operasi luh a chuah lengmang nak hi asi.Crd.Ceumi Lian

Be the first to comment

Leave a Reply

Your email address will not be published.


*