Nu Sui Iang Tial nih mual a kan liam tak.

Nu Sui Iang Tial – 28 (A pa Pu Ral Hmung, A nu Ni Vang) Zaabung Hakha um nih 13/1/2023 (2:00PM) ah mual a kan liam tak.
A mah hi ZPBA E&M Secretary a kan tuan piak liomi Pastor Khua Luai Mang le USA, Zophei Baptist Church i Church Secretary a kan tuanpiak liomi Pu Biak Cung hna i an Far a si.

Tantakmi chungkhar Zophei Baptist Church, Hakha nih ngaih kan chiatpi hna.Crd.Zophei Baptist Church Hakha

SAC Nih Camp Victoria A Kahnak Kong Ah Interim Maraland Council Nih Cathanh Chuah

Hramhram uknak a la i sualnak ngeilo mipi hna cung ah nitin in thahnawnnak a tuahtu SAC nih 2023, January 10 zaanlei suimilam 4:20 ah voikhat, 2023, January 11 zaanlei suimilam 4:50 ah a voihnihnak tiin CNF/CNA Headquarters Camp Victoria cu vanlawng in a kahnak kong ah Mara mizapi, CDF-Mara, Maraland Council nih fak piin kan doh tiah Maraland Council nih cathanh a chuah.

SAC nih vanlei kahdohnak a tuah ruang ah CNF/CNA in ralkap 5 an nunnak a liam i, minung 10 leng hliamhma an tuar. Nunnak liammi le hliamhma tuar mi hna tantak mi chungkhar nan ngaihchiatnak kan in tuarpi ve hna.

SAC ralkap nih minung ruahnak ngeilo in thil a tuahmi cung ah lehrulh kan cham lai. Mizapi nih kan i timhmi federal democracy ngahkhawhnak ding , SAC ralkap an hram a cah tiang doh ding le Chinram cozah a rannak in dir ding ah Chinmi zapi nih lungrual tein SAC uknak kan doh lai tiah Maraland Council nih 2023, January 12 cathanh chuahmi ah a langhter.The Chin Post