Nini khat cu hi vawlei nunnak in na liam te lai ti kha kan rak i ruah cia ko.

Nini khat cu hi vawlei nunnak in na liam te lai ti kha kan rak i ruah cia ko. Kum 90 na hung phan, tu le fa 60 leng na kan ngeih. Kan no lio tein nangmah te lawng a nung dammi pi kan in ngeihmi na si. Kan caah hin na sunglawi tuk.

Kum 15 leng kan hmu ti lo, kum 10 ka si in ramdang kan phak tak cang. Citizenship ka si cun nangmah ton lai ding kha kan i ruahchan tukmi a si bu ah kan i ruahchanmi a tling kho lo. Kan lung di cu a riam lo.

Asinain kum 90 tiang na kan nunpi, kan ṭuan man te na ei manh, kan i lunghmuih tuk hringhran ko. Zawtnak pakhat hmanh he lo, tar tlung tein na nunnak a liam.

Zawtnak fak na ngei lo nain na tar cang caah ihkhun ah na tuar i kan zaang na fak, vawlei na dinh tak ding kan in siang lo. Zohkhenh hau buin na um bu ahhin kan sinah um peng seh ti kan duh, kan hna a ngam, na kan hngalh ti lo zongah kan in hngalh caah hin kan thazaang na si. Nangmah zohkhenh hi kan i lunghmuih, nain nangmah zoh ah kan zaang na fak peng.

Atu ahcun vawlei nai din cang, a cangte dingmi kan i ruahchan tuk buin kan thinlung ah na tlau lo. Kan in siang lo. Nain kan i lungsak, Bawipa sinah vuivai ding kan ngei lo, thluachuah na pek tuk ti hikan chim pengmi a si.

Lungfak in kan um lai lo. Ngaihchia tukin kan um lai lo. Zeica tiah na kalnak ding kan hngalh pinah vawlei nai dinh hi na caah damnak a si cang lai ti kan hngalh.

Lai rawn khua kan run panh tikah na bau cang lai. Hi kong kan ruah belte ah kan lung a leng. Lei ah ton a um ti lai lo. Khi ram nuam tuin kan dong te law.Crd.Nunu