Nihin FB cahmai ka hmuhmi ah cun BJ a liam ruangmang timi thawngpang a si. BJ ai ti duhnak khi “Benjamin” tinak si rua.

Hei phai sawh…Nihin FB cahmai ka hmuhmi ah cun BJ a liam ruangmang timi thawngpang a si. BJ ai ti duhnak khi “Benjamin” tinak si rua.

BJ cu a rak laar hlanpi a CD phel ai rak ichuah hmasa cem lio ka van thei. Van Ṭha (Rev M TK fapa) nih kan sinah a rak rapi.

“Ka u Ceu, hlaphel thar ka hawile nih an chuah le kan caw ve” a rak ti. Ka van zoh hna le, Van Ṭha zong sam sau nawn khin a rak um. A hawipa zong cu tla firhferh nawn khin T-Shirt nak a hmailei i zeimaw cuang ihruk phun khin…

Kha lio Kawlram lei kan/an saṭaal (design) phun cu an si ko rua. Van ruah ṭhan ah cun zeitin dek a um.

BJ design phun te kha cu ka rem phunte cu a rak si ruam lo. Van Ṭha ai tel ruangah si pah la, 1500 an timi hlaphel te cu ka rak cawk hna.

A phaw khi printing design mak deuh pawl sinah an rak tuahmi lam cu si lo. Anmah tein an rak ṭawncopmi siseh law ka dawhter.

Mah le mah tiah tha ka rak pek ve bal hna kan ti lai. Cu an hlaphel te cu sau nawnpi khi chuah lo in ka chiah sawh.

A hnupi (thla hnih thum) hnu ah computer in ka rak on. Ka van ngaih i a aw cang cu a mak tak si, ka rak ti. A tumtu pawl zong an tum daan ka uar tak hna.

“Hoilo Par Mitthli”, “Lai Hmelṭha” ti phunphai a hla pawl ka hngaih tik hna ah cun, “mak bak hi teh Laipa” ka rak ti ko.

Zeimaw video file tete ka rak tuahmi ah BJ hla tete cu ka rak telh tawn.

Laipa ah cun Sun Ceu, chanthar minung ah Thawngbawi le BJ ka ti phah. Sun Ceu aw lam khi cu ID bak a ngei ka ti lengmang. An rak hmanmi guitar le recording thilri pawl khi nihin he tahchun ah cun an rak niam i an rak tilo tuk nain, a aw ngaih khi ka huam ṭheo.

BJ hla pawl kha rock phunphai deuh an si. Nain, feeling bak in hla a rak sa vemi si tikah ka uar ngai. A awrau nih ti le amah “original aw” te bak si. Kawlram leimi cu Lay Phyu an uar tuk nakah Lay Phyu aw a lomi paoh an rak uar hna. Kei hi adeu ka rem lo. BJ cu ho aw nawl hmanh aa rak icawn lo.

Chanthar nungak muidawh hlasa an tampi. US lei i vei heiti le Kawlram lei in vei hei ti.

Kei hi hla ka ngaih tikah, an mui nakin a aw tu khi ka ngai deuh.
Mah caah si rua. Lai hlasa ah BJ kha paza pa roling pakhat ah ka chiah bak ve.

Hniang Hniang nih “Ka dawt bikmi nunnemte aw, kan ngai ko” timi hla a rak sakmi kha zanṭim hnu ah Lai Tirih ah ka rak ichuah ciammam, Kawl tlangval sopaw nungak hleh pawl cu dai dep an thlep i ka chuahmi hla an rak ngai le an rak lawi diam. Ka innpa ah nungak dawh tak a rak um le mu.

Kan chan lailing ah cun, Romeo ko heih a rak mak, tiah. Kawl nungak pawl umnak asawng ah hla a rak sa tawn ciammam, Kawlpa pawl cu dai dep a rak tuah khawh hna pinah, Kawl nungak vialte cu thlep ko in a rak tuah khawh hna. Nungak danghmi ei cawklo in a rak chuahpi khawh.

YGN i minta ka rak ṭuan lio hrawng ah cun atu i R Zarni nan timi tepawl phu bang hna cu daidep le thlep lak a rak tuah khotu ka hawile pahnih an rak um bal.

Laimi lakah hin a men lo an tampi.Thai duhmi cu, kan veimalo pawl nihhin; anmah le pahrang cio i a men bak lomi kan miphun pawl hmai an suan chinchin khawhnak ding tu ahkhin zeiti maw in lam sialpiak le idomhtlaih tbk rian deuh hna khi…

Tuak deuh hna sehlaw… A caan cu rih lomi le kan phuut rih lomi thil i kutpi ithlir ve tu khi lungfiim ilaak in miphun caah lamsdang in isualsam lam kawl a herh rua hlah maw ka ti tawn ko hi..Crd-Salai C Alexander

Be the first to comment

Leave a Reply

Your email address will not be published.


*