Nai hrawng cu kan rian ah harnak kan tong ngai. Rian hi a thawk a fawi, a pehzulh a har an ti ton mi kha kan si.

Nai hrawng cu kan rian ah harnak kan tong ngai. Rian hi a thawk a fawi, a pehzulh a har an ti ton mi kha kan si.

Kan riantuan kum 9 kan tling kum 10 chung kan lut i kan fek deuh cang lai hun ti lio ah kan thiamtah sin ah kan mah thiaminn chuak Parborhsung thawi lila kha a man tam deuh in an pek hna i an mah private caah a cah mi tampi ruang ah kan thiamtah hna karlak ah lung ihmuh lo nak a chuak. Thiamtah tampi nih a kan complain i an mah tluk in na kan pek ve lo ah cun kan i phuak lai ti kan tong.

Business ah supply le demand cu basic a si. A tu lio cu demand a tam lio a si caah thiamtah man an kai ve. A kan ti mi hi an mawh lo. A sinain a si ding a si ko maw?

A fawibik in phisin dan ah cun an kan hauh ning in pek ve hna in thil man zong kha kai ter ve kha a si. Nain a cawtu caah a fair maw? Kan minung le kan thiaminn chuak design lila an i fiar hlei lo ah, a thlithup in thil an tuah mi cung ah ma ti in bargaining tuahnak nawl an ngei maw? Ti kha ka ruat.

Hinkong ah a thabik in a lam kawl khawh ding Bawipa nih fimthiamnak kan pe hram seh ti in thla ka cam. Nihin cu a tha bik a si lai tiah ka ruahni kha ka thiamtak hruaitu hna sin ah ka chimh hna. An hna a tla. Kan thawpi a chuak! An ka ti. Action plan zong a kan ruah pi. Kan hun ttuanchuah lai i Tuthla chung ah a tung kan mer than khawh ko lai ti zumhnak ka ngei.Risk nganpi pakhat lak than ka timh.

Bawipa nih a kan um pi ko. A ka pek mi a si i a lak than zong ah a mah nawl a si ko. Ka duhning ka vision a ka theithiam i a ka ttanpi mi ka thiamtah hna cung zong ah ka lawm tuk.

A sining tlamtling deuh in le Laitlang um thiamtak han sin ah biacah ka duh mi zong kan page ah official te in video in ka rak post te lai. -AIDII

Be the first to comment

Leave a Reply

Your email address will not be published.


*