Na ram nih an auh.Diknak dirpi duh, nunnak ngeihmi chawva vialte sungh huam in ram ca ah ai pe mi mino tampi an um ko hna hi na hmu hna maw?

Na ram nih an auh.Diknak dirpi duh, nunnak ngeihmi chawva vialte sungh huam in ram ca ah ai pe mi mino tampi an um ko hna hi na hmu hna maw?

Chin Miphun hi kan sinak ka ruattawn i hi kan ram ah khua kan sakpimi Saram hna nih an kan tih,Thing le ram dawtnak zawng kan ngei fawn lo,Tizung Ngacel si hna seh, Sii in kan thah hna, kan mah cio nih kan ei duhlomi midang sinah kan zuar, Miphun dang khua kan sakpimi tukvelh a duhmi le a huami kan tam,Kan tuanzuam lo mi tuantu hna dawt zawng kan hngal fawn lo,Khua kan sakpimi vialte hi an zalen lo i thinphang le tihnak he khat in kan ser hna.

A hlei in kan Mino hna nun hrimhrim van ruat hmanh u! hi kan Ram ngeihchun te hi a cheukhat minung an kut ahcun chiah ngam hmanh a si lo, Kan bochanmi Mino hna nih (It My Life) ka nun a si tiin zaan ah an duh tiang poh an thu aan vaak, an duh tik caan poh ah zing an tho, Zuu,Kunya,Kuak,Rit hei sii a phunphun kha an tawng hna, mah nak upa tihzah upatnak hna kha an tlau cang, Hringtu nu le pa an tih ti lo, Sal tamh in tamh a hmangmi zawng kan tam cang. Miphun le ram caah riantuan a hngal lo mi zawng kan tam.

Mah le inn zawng Hotel bantuk men ah kan ruah cang, a fimbantuk fim lo bantuk,thiam bantuk thiam lo bantuk in fimnak tlawmpal te cawng in khuapi ah an um i,mah le cawnmi thiamnak taktak ngei tung lo in an cawn lo mi leitu an hngal kho taktak fawn! Mi thi inn ah zaan 10 tiang hmanh thu kho lo mi,Zaan khua ka dei kho lo ti i Facebook,Social Media hman ruangah zaankhua dei hmangmi kan tam fawn tung.
Mah ngeihning level lawnh in i tamh, chung le nih cawm le zohkhenhmi si,cawnpiak len zawngah lunghakpeng mi hi kan Chin Ram nih hin a va ngah dah.

Mino lawng zawng an si lo Tuanmi leng tiang in hlawh ngeihtimh,miak timh, Mi hlawh ah buai Nu tling pa tling phunzai hmangmi kan va tam dah. Mi Piangthar nun tam ngeimi, Vawlei thil ah buai,Ram Dawtnak angki hmang in mah le paw a daw deuhmi tamnak, Hlawhtlinnak zawng rawhnak ah a hmangmi ram, Cu ram cu Chin ram hi a si tung ahcun kan zaam tak ko ne lai maw?

Nem mam kan chuahtak hrimhrim lai lo,Kan ram hi a rawk dih lo, eiru,ziknawh an tam ko nan eiruk,ziknawh fir a duhlo mi tampi an um ve ko. Mino tlawmngai mifel midik, midang caah nunnak pekngamh mino tampi an um ko, Nungak thiang hlim Khrihfa chungkhar ser loh phan ruang i Pasal ngei lo ngam minung tampi an um ko.

Diknak dirpi duh, nunnak ngeihmi chawva vialte sungh huam in ram ca ah ai pe mi mino tampi an um ko hna hi na hmu hna maw? Zaam hlah zaam hrimhrim hlah! Chin ram hi sersiam awktlak le dirpi chanh awk tlak a um ko rih, diknak zumhtlaknak,Pathian tihzah bochannak he van ra law hi kan ram caah dothlennak rian hi kan tuan lai. Rau hlah fum fawn hlah na ke van kar in van i thawh cang na ram nih an auh i na ram nih nangmah cu an hngah ko.Crd.Salai DK