Mizoram Ah Myanmar Mi Pakhat A Thattu An Tlaih Khawh

Mizoram Ah Myanmar Mi Pakhat A Thattu An Tlaih Khawh

India, Mizoram ramkulh Aizawl ah Myanmar rammi Gin Khan Siam(kum 26) cu March ni 5, zinglei ah nam sawh in thah a tong i, a thattu Lalawmpuia(kum 25) cu nihin March 6 zinglei ah an tlaih khawh tiah theih a si.

Cu thil a can lio hi zarhpini Biakinn pumh kal lio caan a si caah minung an king, hi thil a can lioah mithmutu cu an um lo nain, an pahnih bia an i al hnu ah i thahnawnnak a chuah hi a si lai tiah zumh a si. Gin Khan Siam cu nam sawh a ton hnu ah a pawngkam ummi nih siizung ah an kalpi hnu ah a nunnak a liam hi a si.

Gin Khan Siam a thattu Lalawmpuia cu a zaam nain, nihin March ni 6 zinglei ah Kolasip khua pawng ah an tlaih. Lalawmpuia hi thongchuak misual taktak a rak si i umnak taktak a ngeimi zong a si lo tiah theih a si.The Chin Post Zalen