Kanmah kan hlasakthiam cu zei ah hei rel lo

Kanmah kan hlasakthiam cu zei ah hei rel lo, cawisang zong i tim bal loin Mizo singers lawng thi deng in a uar i US ah cah a hmangmi kahpia pawl khi ka rak huat ngai tawn hna. Nain, US le Australia Laimi nih Mizo singers pawl nan rak cah hna i nan dawt tuk tawn hna kha thlaici nan tuh asi, atu a theipar thlum cu kan miphun dihlak nih kan ei cuahmah cang. Mizoram mipi nih hitluk in Chin ralzam an kan dawt khawh khi kan vantha tuk hringhran, mangbang za rori si.

Ben Ben zong cu a uartu tinghra lakah nahchuahtu fachuaksual zakhat hnih zong an um ve lai ta. Thangchiat nak kha tlukpi loin ai zuamchih lai i a lar chinchin nak tu a si te lai. Mizoram i khitluk lar khawh khi a fawi lo dakaw, Mizo mipi tam deuh nih an kan thleidan lo caah dakaw asi cu.

Atu hi ChinTube nih an sawmmi Mizo singer pawl US an um lio a si. US Laimi nih rak daw cikcek hna u. An concert zong ah kal khawh i zuam hram u. Laksawng zong nan ti khawh tawk pe hram ko u. Kei cu US um ninglaw an kalnak kip a phortu an driver ka tuan piak bak hna lai. Restaurant ngeimi zong nih nan dawr ah rawl eiter u law aman pekter bak hlah u, a herh si le bill cu keimah vun ka theihter u law kei nih ka rak liam ko lai. Nanmah nih Mizo singer panga nan dawt hna ahcun anmah Mizoram mipi nih kan ralzam 30,000 an dawt chinchin ve hna lai.

Nain, mah miphun singer pawl belte zei ah hei rel loin Mizo singer lawng hei uar tuk timi kahpia sal lungput khi cu thlau ve cang u sih.Crd.Salai Lungthli Tum