Ka tunu (Thluaiku)Na nunnak lam caan kha pakhat hnu pakhat hin kan hun bih than! Nang cu hi vawlei ah nungna ngaktah dirhmun in na ngakchiat lio tein a thangmi na si.
Na nule na pa an ithen in bawhte na si lio te khan, Tikir lei panh in nan nufa tein nan rak kir. Na kir lio caan khua na phak zaan kan in bihzuun ning le kan in uanthlar khawh ning kha mu. Kan TV bantuk ah kan rak in ruah i a ho van hmanh ngai loin kan inn chungah kan rak ilawm hna i kan rak in lawmh kha.
Kum caansau deuh a rauh tikah, vawlei phungle lam nih a kalpi mi phung nih an hlam i na lungfim vuavap khan na pale sinah na kan kirtaak than. Na kir ni kha mah hngallo tiang in dahkaw hauka ah khan na nule na pu le rual kha kan rak hram i kan rak tah kha. Molh deng tiangin na zuun kan rak ngai i kan rak in hlam.
Na nunnak hi kumkhat hnu kumkhat ka khirh than tikah tah lo awk a tha lo. Vawlei cungah cun nun retheibik minung ahcun nai tel ve hrimhrim ko lai. Na liam hmanh hawi liam kel sihlah! Na tuanbia ah ngaihchia le lungzur tuk a sihlei ah na dih donghnak ni tiang ah ngaihchiatnak in a khatmi thihnak in na nunnak a dih hoi.
Atu ah na kan liamtaak tikah hin, kan ngaih a chia hringhran ko. Na kong kan ruahnak ah molh dih kan i tim. Ho khi ai hnem kho hlei kan um lo. A zumh zong kan i zumh kho fawn lo.
Na fanu te hi Nangmah bantukin ngaktah dirhmun dir dingah maw hi vawlei ah hin a rak sem hnga! Ngaktah si awk caah cun a kum a no tuk rih tung e. Ka nu kapa tihmanh a chim thiam rih tung lo e.
Amah hi kapa Amah hi kanu ti ding zong um loinNan liamtaak ruangmang ko cu dahngai!Afak hlei khun ko.Crd.Salai Biak Lian Cung
Leave a Reply