Hri awk nak in Tlangval Ram Lian Thang nih mual a kan liamtak!

Indianapolis Ah Ngaihchiatnak Kan Tong Than.ICBC chungtel a simi Tlangval Ram Lian Thang nih mual a kan liamtak! Tlangval Ram Lian Thang hi Zabung khuami siin Indianapolis khuasa mi asi. Zahan kha a ruang theih loin in amah le mah hri awk nak in a si, tiah an ka chim. Tantakmi chungkhar Bawipa nih in hnem ko hna seh.

Note: Group i an tialmi ka lak chin mi asi caah hri awk timi cu hlawnh ka duh nain an tial ning asi caah theihthiamnak lai kan nawl hna.Crd.Chelsea Bawi

Mandalay Ah PDF Sakhan 2 Luhhnawh An Ton Caah PDF Pakhat Nunnak Liam, Hriamthil Sing Thongkhat Man Leng An Sung.Mandalay ramแนญhen, tualchung hriamtlai phu hna sakhan 2 cu luhhnawh in kahdoh an ton caah sakhan chuh an tong, ralkap pakhat a nunnak a liam pin ah hriamthil kyats sing thong khat leng man kan sung tiah Mandalay pengkomh battalion 5 MNPDF Myitnge in chimphuannak nawlngeitu nih nihin March 16 ah a chim.

March 15, zinglei suimilam 5:00AM hrawng ah rallam sial in a chuakmi SAC ralkap le Kyaukyit sakhan in a chuakmi SAC ralkap nih Mandalay pengkomh battalion 5 MNPDF Myitnge le Ngazun hrambunh Zamani pahkahphah umnak sakhan cu an luhhnawh tiah MNPDF Myitnge in chimphuannak nawlngeitu nih a chim.

Tualchung hriamtlai PDF umnak sakhan luhhnawh in kahdoh kan ton caah minung 4 nih hliamhma an tuar, ralkap pakhat a nunnak a liam tiah a chim chap.

Hriamthil sernak thilri, uniform, carbine 10, mine le mine sernak thilri , kuan phuntling le meithal phuntling, telh in hriamthil tam lak te le phone lung 50, cycle 20, Tolaji pakhat, facang le riahcaw tamlak kan sung tiah MNPDF Myitnge in chimphuannak nawlngeitu nih cun a chim.

Hriamthil sernak thilri le hriamthil dihlak telh in kyats sing thongkhat leng man kan sungh caah kahdohnak chung luh ding ah kan har ko, bawmhchanh kan herh tiah MNPDF Myitnge nih nawlnak an tuah.

March 13, zinglei suimilam 5:00 hrawng ah SAC ralkap nih Myaung peng Parinma khua cu an rak luhhnawh i an kir lei ah Sagaing pengkomh battalion 4 MSPDF sakhan cu luhhnawh in an rak khanghpiak hna caah kyats sing 200 leng hrawng sunghnak an rak tong.The Chin Post

Be the first to comment

Leave a Reply

Your email address will not be published.


*