Hlawnceu unau hna an farnu cu an um lo kar ah cakei nih a seh.

Phun kong hi a biapi ah ka chiah bal lo. Nain, thimnak ka luh hnu khan phun a biapit ning ka vun i fiang deuh than. Phunkhat simi cu a luancia chan khat lio kan pipu ai khat, cousin unau taktak kan si, thisa in aa pehtlaihmi chungkhat kan si hna timi ka vun pemh.

Kei zong hi Keirawh phun ka si nain kan khua ah Keirawh le Zaathang i fonh si i Zaathang ah kai ruah sual tawn. Thimnak ka luh hnu lawng ah Keirawh cu Hlawnceu nih a hrinmi kan si ti kai fiang than.

Keirawh hi a sullam phundang te a si ve. Hlawnceu unau hna an farnu cu an um lo kar ah cakei nih a seh. An lungfak tuk le cakei cu an dawi i an thah. Cakei cu mei an rawh i an ei, cuticun an farnu phu an hlam khawh. Mah hnu cun Keirawh phun tiah min an i pek tiah pipu hna nih an chim. Kanmah Keirawh phun hi Sakta ah an tam ti a si.Crd.Salai Lungthli Tum

Thihnak in ka luat cangmaw?
A liam cia kum tampi ah Stanford Sizungah rian ka rak bawmh lio hna ah ngakchia nu pakhat Liza an timi cu zawtnak phunkhat nih a tlak caah a zual ngai. A dam khawhnak dingah a ṭapa kum nga a si rihmi thisen lak in rawnh ding lawng kha a lam a um mi a si. Cu hnu ah a herhmi si in thop ding a si. Sibawipa nih ngakchia pa cu thil sining kha a chimh na unu hi na thisen hi na pek sian ahcun a dam lai a ti.

Ngakchiapa cu khua a ruat cun a thaw fakpi in a chuah I, “Liza a damnak ding a sicun ka pek ko lai,”a ti. Cu thi laknak an hun timh tuah, a unu pawng ihkhun ah an ihter cun a thi cu kan lak, i a unu cu kan rawnh tikah Liza cu a hmai a hun sen. Ngakchiapa nih sibawipa cu a zoh i awther nawn in, “A tu hin thihnak in ka luat cang maw?”a ti. Ngakchia pa nih hin ka thi an lakdih lai I ka thi lai tiah a rak ruah. Dan Millman. Crd: Chicken Soup for the Soul.
Dawtnak chungah cun ṭihnak a um lo. Dawtnak tling nih cun ṭihnak vialte kha a chuah dih hna.(1 John 4:18Mah Azi