Hakha Rungtlang ralhraang pahnih CDF-Senthang sin ah hriamnam he an i fon

Hakha Rungtlang ralhraang pahnih CDF-Senthang sin ah hriamnam he an i fon

Hakha khua Rungtlang hrambunh No. 266 ralhraang battalion in ralkap pahnih cu CDF-Senthang sin ah meithal le kuanzen i ken in an rak i fon tiah CDF-Senthang nih nihin ah an thanh.

Cu SAC ralkap pahnih nih cun MA-2 meithal pakhat, zenthong, bomb thei le mine pawl an rak i zaampi i CDF-Senthang sin an rak i fonh mi a si tiah theih a si.

A rak i fon mi ralkap pawl cu lunglawm tein kan don hna i laksawng kan pek hna hnu ah himnak hmun ah kan thlah cang hna tiah an thanh.

https://hakhapost.com/hakha-rungtlang-ralhraang-pahnih-cdf-senthang-sin-ah-hriamnam-he-an-i-fon/ TheHakhaPost

Matayar Peng Ah Rallam A Sialmi SAC Ralkap Bomb Puahhnawh An Ton Caah 15 An Thi.Matayar peng Kin khua ah thla 6 leng umhmun a khuar cangmi SAC ralkap 100 hrawng cu February ni 15 zing suimilam 7:00AM ah bomb puahhnawh an tong i ralkap 15 nak tlawm lo an thi, tiah PDF sin in theih a si.

SAC ralkap cu Kin khua in an chuak i Kyauktatar khua lei an kal lioah Ywatharyar le Makyikone khua kar ah bomb kan hmanhmi lung 7 in kan puahhnawh hna, tiah Natsoe Mayok PDF in ṭuanvo ngeitu nih a chim.

“Bomb kan hmanhmi an phak ah kan puahhnawh hna i ralkap 15-20 kar an thi. Hliamhma pumi zong an tam ngai,” tiah a chim.

Bomb puahhnawh a tongmi SAC ralkap pawl cu Kyauktatar khua lei ah an va lan i zanṭim suimilam 12:00 hrawng ah Kin khua ah leilawng 3 in an kir, tiah theih a si.

Cu kahdohnak ah Natsoe Mayok PDF, Kaungkin PDF le Daung Guerrilla phu hna i bawm in an kah hna, tiah theih a si.The Chin Post