Hakha meheh rawl kawlnak ah bom lamh sual ruang i a thimi Pu Chan Kian kha Hakha kan innsangmi a si.

Hakha meheh rawl kawlnak ah bom lamh sual ruang i a thimi Pu Chan Kian kha Hakha kan innsangmi a si. A nupi nih thiam a tah, amah nih vok le meheh a zuat i cuticun paw ai cawmmi an si.

‘Hakha ram lak ah cun bom chiahmi a tam, ka lamh sual ahcun ka thi kho’ timi cu a theih cia ve ko hnga. Nain, a chungkhar paw tam ding a tih deuh ruang ah a ngamh lo buin ram lak meheh rawl a kawl tawn hi a si ve lai mu. Atu cu a nunnak tiang a dih tikah lung a fak hringhran ko.

Ral a thawh nak hmun ah cun kap hnih in bom i chiah khenh cio cu a phung a si ko. Aho chiahmi timi ah buai awk a tha lo. Fehter khawh zong asi lai lo, anmah le anmah an i puh veve ko lai. Mah bantuk vanchiatnak hi cu raltuk nih a chuahpi zungzalmi a theipar a si.

Hi bantuk ruang ah raltuk ka huat khun. Pu Chan Kian bantuk in Hakha Khuathar i ramdang cawmtu a ngei lo i ramlak caw zuat le Timit nel tuah in paw ai cawm tawnmi kan unau an har lai ning ka ruah tawn ah ka lungthin a baa tuk tawn.Crd.Salai Lungthli Tum