Hakha lei kal kan duh ahcun Khrihfabu ah theihpinak catlap va laak a hau.

Hakha Peng Khuate Cheukhat Cu Hakha Tlawn An Duh Caan Ah Khrihfabu Nih Theihpinak Catlap Ken Loin Khual An Tlawng Kho Lo

Chin ramkulh, Hakha peng khuate ummi hna cu Hakha khua ah tlunkal an duh ahcun Church Pastor te theihpinak um loin tlawn khawh a si lo, tiah theih a si.

Hakha lei kal kan duh ahcun Khrihfabu ah theihpinak catlap va laak a hau. Cu hmanh cu tlap khat ah kyats 1,000 in cawk a hau. Cu lawng ah Hakha lei ah kan kal kho. Khrihfabu ah theihpinak catlap laak lo ahcun Hakha tlawn khawh a si lo, tiah tualchung mi pakhat nih a chim.

“Zarhkhat ah voithum li khual a tlawngmi zong kan um. Zarhkhat ah voi li khual an tlawn ahcun Khrihfabu nih theihpinak catlap voi li laak a hau i kyats 4,000 kan dih cang. Asinain Hakha in khualei tlun duh ahcun peng uk zung ah theihpinak catlap laak a hau i laak man ah cuzat tiin tangka rikhiah a um lem lo. Mahle si khawh tawk cio in pek a si,” tiah Hakha peng mi pakhat nih a chim.

Hakha tlawn duh tikah Khrihfabu nih theihpinak catlap laaknak ah 1,000 kan liammi hi cu a tam deuh ko. Kyats 500 deuh tal hi cu sisehlaw a แนญha ngai hnga, tiah a chim chap.

February thla hnu in SAC ralkap nih khualtlawn tikah theihpinak catlap le minthut loin khualtlawn khawh a si ti lo tiin thawng an thanh hnu ah Hakha peng khuate cheukhat cu harnak an tong ngaingai, tiah theih a si.The Chin Post

Be the first to comment

Leave a Reply

Your email address will not be published.


*