Hakha Khuachung Ah Chunhthah, Thih-loh Le Ṭhitumhnak Tuah Tibantuk SAC Theihter Loin Tuah Khawh A Si Lo

Hakha Khuachung Ah Chunhthah, Thih-loh Le Ṭhitumhnak Tuah Tibantuk SAC Theihter Loin Tuah Khawh A Si Lo

Hakha Christian Minister’s Fellowship(HCMF) nih Hakha um Church kip nih zarhteni le zarhpini pumh khawhnak ca ah HCMF nih SAC sin ah nawlnak ca kan ṭialpiak cang hna, tiah an langhter.

Zarhteni zinglei suimilam 11:00AM in Church Choir le hlacawn a si lai i zanlei suimilam 4:00PM tiang a si lai. Zarhpini tu cu Church School, zapi pumh, nubu pumh le a dangdang pumh a si lai i, zing suimilam 7:00AM in zanlei suimilam 4:00PM tiang pumh khawh a si lai. Zarhteni le zarhpini pumnak kongkau cu SAC sin ah nawl hal ti loin pumh khawh a ngah cang ko nain hmailei kong tu cu chim khawh a si rih lo, tiah Pastor Pakhat nih The Chin Post ah a chim.

Khrihfabu ah ṭhitumhnak, meeting le cawnpiaknak a um tikah(zarhteni le zarhpini he aa ton lo ahcun) Khrihfabu nih a hlankan in penguk zung ah theihternak tuah ding le mahle inn cio ah ṭhitumh thlacamnak le thih-lohnak ton sual ahcun mahle khrihfabu cio nih tuahnak nawl halpiak a si lai, tiah HCMF nih an langhter.

Thlacamnak tuah duh ahcun ni 5 hlan ah theihternak tuah ding le thih-loh ton ahcun rianrang deuh in fimtawl ding in theihternak an tuah pin ah zan sii-inn kal duh ahcun penguk zung ah theihternak tuah hmasa ding, tiah an langhter.The Chin Post

Be the first to comment

Leave a Reply

Your email address will not be published.


*