Hakha CDF (B2) Ralkap pa le B2 a tanh tu a hawi pa 5 nih Senthang CDF pa pakhat cu thi deng mang tiang in an velh tiah thawng kan theih.

 

Hakha CDF (B2) တပ်သားတစ်ယောက်နဲ့ သူ့ရဲ့အပေါင်းဖော် (5) ယောက်က Lung Rang ရွာကို မင်္ဂဆောင်ပွဲသွားတဲ့ Senthang CDF တပ်သားတစ်ယောက်ကို ဘာရန်ငြိုးမှမရှိ Senthang CDF ဖြစ်တဲ့အတွက်ကြောင့်ဆိုပြီး ပွဲအပြင်ကိုခေါ်ထုတ်ပြီး လူတွေနဲ့ဝေးတဲ့တစ်နေရာမှာ သေလုနီးပါး မတရား ထိုးနှက်ရိုက်ခဲ့ကြတယ်လို့ ကြားသိရတဲ့အတွက် အရမ်းပဲစိတ်မကောင်းဖြစ်မိပါတယ် )

Hakha CDF (B2) Ralkap pa le B2 a tanh tu a hawi pa 5 nih Senthang CDF pa pakhat cu thi deng mang tiang in an velh tiah thawng kan theih.

Senthang ram le Senthang khua ah a um mi Senthang an si ve ko nain Hakha si a uar tuk mi pawl Hakha CDF (B2) ralkap pa Tin Sang le B2 a tanh tu a hawi le pa5 nih Lung Rang khua ah nupi tih puai a kal mi Senthang CDF Thawng Za Lian cu zei hmanh a sual a palh nak um lo in Senthang CDF na si an ti i thideng mang tiang an velh tiah thawng ka theih cu kan lung tha lo ngai. Senthang an si ko nain Hakha CDF (B2) lei a tang tu pawl hi an ral kap hlei lo Pastor hlei lo mipi hlei lo Senthang an kan buai ter ngai. lung rawk ngai an si.

” A tang ah thawng ka theih mi” ka rak share lai

” Hakha CDF B2 ah a um mi Tin Sang le a hawi pa 5 an za te in minung 6 nih CDF Senthang ah a um lio mi Thawng Za Lian cu December 30, 2022 Lungrang khua nupi thit puai a kal nak ah CDF Senthang na si tiah a thutnak ah Daniel nih voi 2 a va auh i lengah an chuah pi hnu ah an velh. An velh ning ning hi thah timh an velh caah puai hmun in aa hlat nak hmun ah an kal pi , a velhtu hi minung 6 an si.

Mi velhtu hna cu 1.Tin Sang (Hakha CDF B2) 2. Daniel 3. Run Ceu 4. Uk Ling Thang 5. Ram Tin Thang 6. Bawi Bik mah pawl hi an si.”

An velh ning hi thah timh in an velh caah a thi cang tiah an hlawnh i an kal tak. An kal taknak hmun ah ngakchia nih an hmuh i mi an auh hna an va kal hnawh tikah mithi bang a rak ril ko cu ka ah cun an thlawp i aa kaa chung le a hrawm ah Thi a khal mi hna an chuah piak hnu ah a thaw a chuah than.

Mah tiin thil a caan mi Lungrang khua mi nih an hmuh tikah an thin a hung tuk i mi velhtu hna cu an kawl hna i minung pahnih cu an tlaih manh i an velh ve hna tiah kan theih. Tin Sang le a hawi le nih an velh mi hi Thawng Za Lian CDF Senthang ah Section Commander atuan lio mi a si tiah theih a si.

TZL an velh hlan ah hin Lungrang tlangval pahnih CDF Senthang ah a um mi hna zong Chirstmas lai ah khan CDF Hakha B2 um Tin Sang le a hawi le nih an velh cang hna. Pakhat cu a hmai phing dih lak in an velh ve, CDF Senthang ah um ti lo hna in an hro. Pakhat hi Meithal in a hnu a hmai in an sawh an tuk hnu ah an kal tak. Mah tiin CDF Senthang nan si tiah kutthlak le mi velh a hmang mi Tin Sang le a hawi le hi a forhtu an um lai tiah zumh a si. Cu ruangah Lungrang khua mi le CDF Senthang vialte an lung a fak. Mah ti thil a caan a thaizing December 31, 2022 ah CDF Hakha B2 lei nih CDF Minung hna Lungrang ah an rak thlah chap hna pinah Tin Sang a um nak inn cu CDF nih Security an lak piak tiah khua mi mithmu tu hna nih an chim. ”

Cucaah ralhrang doh lo mi mipi le CDF karah buainak a tuahtu Tin Sang hi CDF Hakha le B2 lei nih mah ti hin maw thil sual a tuahtu Tin Sang hi nan zoh sawh ko lai? Nun nan chim lo a si ah cun CDF Senthang lei nih an zoh sawhte lai lo ti hi ruah ding a um ngai cang.Crd-Ling Ling

Be the first to comment

Leave a Reply

Your email address will not be published.


*