Falam le Hakha tbk khuachung zong ah miphun ralkap nih khuai-ngal kha voi thum li nan kah hna i lohdiam nan zam tak ve.

Ka ngakchiat lio chai cheih ka thiam ngai. Ka zal chung ah chai a um lo caan a um bal lo. Voikhat cu kan khua lai memu kung um khuaibu ka cheih, voi 3 ka khen hnu ah lohdiam ka zam tak. Khuai cu an aipuang ciammam le pawngkam um sualnak ngeilo an seh hna, khuate cu si i sii-ai a um lo, zuhui in an i thlop cio.

Methodist biakinn thlalang vialte chai i a khuai dihtu Lungthlitung(Zephai holh in) ruang ah khuai nih a kan seh an ti i an thinhung tuk cio. Ka nulepa mi hmai an khap lo, ceilak fung an ka tuk, a thaizing le kip ah midang aseh rih hna i an ka tuk nolh rih, ka tahnak an ka mitthli hang zong a dih dengte. Cuticun zarhkhat chung khuai an hrang i zapi nih memu kung pawng kal an rak hrial.

Cuhnu cun kan khua ah khuai an hran poah ah keimah peng an ka puh. Ar a thi or a ke kiak, thlalang a kuai tbk caan poah ah ah Lungthlitung cheihmi si ko lai an ka ti peng. Ka ai puang taktak. Ka si lo tiin tette piak awk tha a si hoi lo.

Falam le Hakha tbk khuachung zong ah miphun ralkap nih khuai-ngal kha voi thum li nan kah hna i lohdiam nan zam tak ve. Pawngkam ummi kha ceilak an seh hna. Keimah ka ngakchiat lio ka ton bang, mawhchiat nan tong ve men ko lai dah.Crd.Salai Lungthli Tum