Fact Finding Based On Bible- Pathian Nih Ralrinnak Abia Um Hmaisa Loin Khua, Miphun le Uknak Ahrawh Bal Lo
Pathian nih khua, miphun, uknak hrawh atim tikah an tuahmi thatlonak, sualnak thil pakhatkhat ruangah asi lengmang. Cu caah an sualnak mertak ding, thil thalo tuah ti lo dingin ralrinnak a pek hmasa zungzal hna. Pathian ralrin peknak a ngai duhlomi khua, miphun, uknak cu a hrawh hna tiah Bible nih fiang tein a kan chimh.
Indiana cu Pathian nih April thla chungah a hrawh lai tiah Nu pakhat nih achim tikah hin ruah awk a um mi cu, cuhlan ah Pathian nih mah nu sinah zeidah Indiana State kongah theihtermi bia a pek cang maw, asi loah midang pakhatkhat sinah Pathian sinin ralrin peknak bia a um cang maw ti hi ruah lo awk atha lo.
Zeitintiah Biakam Hlun ah Pathian nih rian arak tuanning hi lakhruak/emergency in asi bal lo. Indiana mipi nih zeikodah Pathian duhlomi thil an tuah timi aruang zong fiang tein langhter dih ding asi. Cubantuk a um lo ahcun, Indiana mipi nih zeibantuk thilthalo an tuahmi dah an ngol lai ti an thei kho lai lo. Cu caah Pathian sinin a rammi ralrin peknak bia cu zeidah asi timi minung nih an fian dingah fel tein Pathian nih rian a tuan zungzal.Crd.Ceuuk Ceuuk
Leave a Reply