Uknak ttha lomi he i fonh riangmang in rianttuantti cu a ttha bak lo. Dr. Hmuh Thang cu Laimi bochanmi le dawtmi le ttihzahmi a si i Lian2 pa kan ti vial hmanh ah kan tha a hei nuam ning mu. Atu cu hnulei a kan chit tak tik ah miphun pakhat caah le tthatnak tampi a rak tuah ve belmi a si fawn tik ah thluachuah tampi a zor kho ve.
Hnulei chit cu a lungfak tinak a si ko. Bochanmi le rinhchanmi upa lungfim, lungfak cu ttih a nung ngai ve. Thantlang khuachung koko le bang ahcun amah hi bochan bikmi a si ko. Chin miphun rawhral lei lam hna kan panh chin lengmang sual maw ti zong ttha tein ruah a hau. Crd.Van Tum
Gangaw Ah Rallam Sialtu SAC Ralkap Le PDF Kar I Dohnak Ah SAC Ralkap 4 An Thi, PDF 2 Nunnak Liam .Magway ramṭhen, Gangaw peng Min khua in a chuakmi SAC ralkap hna cu an hnu zulh in PDF nih an doh hna. Cu dohnak ah cun PDF lei in pahkahphah Naga Ngyinaung phu hruaitu U Zaw Zaw le ralkap Pyi Phyo an nunnak a liam i SAC ralkap lei in 4 an thi tiah pahkahphah Naga Ngyinaung phu in ṭuanvo ngeitu pakhat nih a chim.
March ni 1, ah Gangaw khahlahyiah 50 in a chuakmi SAC ralkap hna cu Min khua lei ah rallam sial in an luh lioah tualchung hriamtlai phu hna nih an hnulei in a thli tein an doh hna caah SAC ralkap 2 an thi tiah theih a si.
Rallam sialtu SAC ralkap hna cu March ni 2 ah Min palik sakhan in Gangaw peng lei an panh ah pahkahphah Naga Ngyinaung phu nih an doh ṭhan hna, kaphnih kar kahdohnak ruang ah tualchung hriamtlai Naga Ngyinaung phu in hruaitu U Zaw Zaw le ralkap Pyi Phyo an nunnak a liam, SAC ralkapvlei in minung 2 an thi tiah theih a si.
“SAC ralkap Khahlahyiah 50 nih Gangaw in Min khua lei ah rallam an sial hi zarh khat leng a si cang, Min khua in Gangaw lei an kir ah pahkahphah Naga Ngyinaung nih an hnu in an doh hna i kaphnih kar kahdohnak a chuah hi a si, kanmah lei in hmaikal 2 an nunnak a liam” tiah pahkahphah Naga Ngyinaung phu in ṭuanvo ngeitu pakhat nih a chim.The Chin Post Khit Thit Media
Leave a Reply